Zaburi 89:8 - KITABU KITAKATIFU

⁸ O, Yahova, Nyasaye Wuvunyali, siaveeye ho numulala oveeye wizingulu kuli ivi mba, O, Yahova, ivi oveeye musuuvirifu mu vindu viosi.

Zaburi 89:8 ပူးပေါင်းရင်းမြစ်များ

Nehemia 1:5

Maku ndaavoora: “O, Yahova, Nyasaye wu mwigulu, Nyasaye munene kandi kwosi kokoheza uluyali lonene ligali. Ivi udukiza lilagana liilio nu vusuuvirifu, ku yavo avakuyanza kandi avahulira malago googo,

Ayubu 37:22

Uvwaku vulahi kuli izahabu vololekaa kutura ivaale, Nyasaye umali kuvikwa vukumi vwukutihiza.

Ayubu 9:19

Niiva ni ligerana lie zinguru Nyasaye aveeye ni zinguru, kumbita inzi. Niiva na makuva gi likalaga lirungi, nivwaha unyala kumuleeta mu kiyaalo?

Zaburi 147:5

Yahova wiitu aveeye munene kandi wizingulu; ovogeri vwivwe sivunyala kogerwa mba.

Zaburi 24:8

Mwami wovukumi uyu nivwaha? Aveeye Yahova, wizingulu kandi wuvunyali, ni Yahova oveeye muguuti mu vulwani.

Zaburi 35:10

Ndavolera Yahova nu mwoyo gwange gwosi, “Sihaveeye ho nu mundu mulala kuli ivi, O, Yahova! Ivi ukingaa avadedekere kutura ku yavo avizingulu, na avadaka kutura ku vadambizi.”

Zaburi 71:19

O, Nyasaye, zinguru zizio, zidukaa igulu mwigulu; Ivi umali kokora vindu vinene ligali; siahaveeye ho voveeye kuli ivi O, Nyasaye.

Zaburi 84:12

O, Yahova Wuvunyali, vaveeye nu vugasu yavo avasuuviraa mu ivi!

Zaburi 89:13

Ivi oveeye wi zinguru, ligali! Zinguru zizio ziveeye zinene ligali!

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Isaya 28:22

Mutaseki lieganihiza lia muheezaa mba! Niiva mulakola ndio, vulave vudinyu ligali ku munyi kohononoka. Mali kuhulira litovola lia Yahova Wuvunyali aganagana kudiviza kivala choosi.

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Kwidzulitsa 32:31

Avasigu vaavo vamanya ndi, avanyasaye vaavo aveene vaveeye avadedekere sivaveeye ni zinguru kuli Nyasaye wa Isiraeli mba.

Kwidzulitsa 7:21

Kunangwa mutatia avandu yava mba. Yahova Nyasaye winyu aveeye harara ni munyi; aveeye Nyasaye munene kandi mulala wukutivwa.

Joshua 22:22

“Wuvunyali aveeye Nyasaye! Aveeye Yahova! Amanya ichagira nikokola yaga, ma kandi kwenyaa na munyi mumanye kandi! Nikuva nikwibaala ku Yahova, na nikuvamanyia lilagana lietu na Yahova, mutaleka kunyi kove mwoyo kandi mba, Mukwiti lufwi.

1 Samweli 15:19

Kunangwa kigira ki utahuliiyi Yahova? Kigira ki udidikani kutuuma ku vilaanye nokora gatayanzizaa Yahova.”

1 Samweli 2:2

“Sihali noveeye umutakatifu kuli Yahova sihali nuwundi kuli ye sihali numusooli kuli Nyasaye wiitu.