Zaburi 89:27 - KITABU KITAKATIFU

²⁷ Ndamukora ave muyaayi wange wimbiri, kandi mwami munene ligali kuvita avami vosi.

Zaburi 89:27 ပူးပေါင်းရင်းမြစ်များ

2 Samweli 22:47

Yahova aveeye mwoyo! Mukingi wange yizominywe! Landiza ovonene vwa Nyasaye ombonyia.

2 Samweli 7:14

Ndava baba weve, naye alava muyaayi wange. Lwakola uvudamanu, ndamuha amageri kuli baba wumwana ahaanaa mageri ku muyaayi weve.

2 Kyetsinyinga 1:12

Kulwayaga, ndakuha ovogeri ni limanya, kandi ndakuha uvuhinda, uvutugi nu luyali; avula ho nu mwami uwaali imbiri woovo yaali navwo kandi siaveeye ho na mulala inyima woovo uliva navwo.”

Zaburi 2:7

Mwami avoora, “Ndalandiza aga Yahova Nyasaye Wuvunyali yambolera, ‘Ive oveeye mwana wange muyaayi; kalunu inzi mali kugwa baba woovo.

Zaburi 71:3

Ove kuli lwanda lwu vuhaliru vwange. Ove imbinga yange yizingulu yokombonyia ivi oveeye lwanda lwange kandi imbinga yange.

Zaburi 72:11

Avami vosi valinama imbiri weve; zihiiri ziosi zilamutumikira.

Kutwula 4:22

Maku ulamuvoolera ligali ndi, Inzi, Yahova mboraa, ‘Isiraeli aveeye muyaayi wange wukutanga.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Livalidza 24:7

Valava ni imbura inyingi kandi valataga vumwu vwavo mu milimi giveeye na mazi manyingi. Mwami wavo alava no vukumi kuvita vwa Agagi uvwamihi vwivwe vulavambalalizwa kuduuka ihale na himbi.

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

Kwidzulitsa 32:15

“Avandu va Yahova vaagwa avatugi, navuzwa avibaali. Vakomera kandi vaali ni viukulia vinyingi. Valeka Nyasaye wavo uwavalomba, kandi nivasuula muhonyi wavo wi zinguru.

Vakolosai 1:15

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi;

Vakolosai 1:18

Aveeye mutwi gwu muviri gwigwe, likanisa; aveeye uvutangiliru vwi livamwoyo liu muviri zana. Aveeye Muyaayi watanga kwivulwa, uwasimugukizwa kutura mu likuza, kunangwa oyo yenyine aduuki kuva wu mu vindu viosi.

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”

Likunula 21:24

Izihiiri zilagenda mu uvulavu vwalio, na avami vi lirova valaleta uvukumi vwu uvutugi vwavo mulio.