Zaburi 89:12 - KITABU KITAKATIFU

¹² Ivi walomba lirova kutura Ivaale kuduuka Isavaalu; Avandu vu kukiguru cha Tabori kandi kiguru cha Herimoni viimba ni vizominya ivi kigira uvusangari.

Zaburi 89:12 ပူးပေါင်းရင်းမြစ်များ

Ayubu 26:7

Nyasaye yavaambuula uvwerefu ku lovega lwa ivaale, kandi niyeleriza lirova havundu hatali ni kindu chu ku ligumira.

Zaburi 115:16

Ligulu liveeye lia Yahova yeng'ine, navuzwa yahaana lirova ku vandu.

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 24:1

Lirova harara na viosi viveeye mulio viveeye via Yahova; kivala harara na vandu vosi avamenyi mu viveeye via Yahova.

Zaburi 24:2

Nyasaye yaliumbaka mu luliva lwa mazi isi wi lirova. Yasingiriza mise jalio musi mwi inyanza.

Zaburi 98:8

Munyi migera, mukubi makono ginyu! Munyi vigulu, mwimbi harara, nuvusangali imbiri wa Yahova,

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Jeremia 46:18

Inzi, Yahova Wuvunyali, mbeeye mwami. Inzi ni Nyasaye oveeye mwoyo. Kuli Kiguru cha Tabori keveeye igulu mu vigulu, kandi kiguru cha Karimeli kisingila igulu ku inyanza, kunangwa zilakave ndio zinguru zia oyo ulikutulira.

Joshua 12:1

Avandu va Isiraeli vaali nivaguuti kivala keveeye Ivugwi wu mugera gwa Jorodani, kutura mu livona lia Arinoni kuduuka mu livona lia Jorodani kandi kuduuka kolovega lwa ivaale ha kiguru cha Herimoni. Vaguuta avami vaviri.

Joshua 19:22

Lwako lwidiira kandi ku Tabori, Shahazumari, na Bezi-shemeshi, niluduuka hamugera gwa Jorodani. Lwali harara na madaala manene komi na sita harara nu tudaala twago twagakumbiriza.

Vakalagi 4:12

Lwa Sisera yahulira ndi Baraka umali kuzia ku Kiguru cha Tabori,

Vakalagi 4:6

Lidiku lilala yatumana Baraka, mwana wa Abinoamu kutura Kedeshi mu kivala cha Nafutali, na amuvoleraa, “Yahova, Nyasaye wa Isiraeli akulagaa ndi, ‘Vugula avandu izielefu likomi kutura mu zihiiri zia Nafutali na Zabuloni, ma uvatumi ku Kiguru cha Tabori.