Zaburi 88:8 - KITABU KITAKATIFU

⁸ Okoli avalina vange vandeke; umali kongola chukuvihiliriza kuvo; mbaniywi mu ligali kandi sinyala kwiruka mba.

Zaburi 88:8 ပူးပေါင်းရင်းမြစ်များ

Ayubu 12:14

Niiva Nyasaye alasambula, siaveeyeho nu mundu unyala kwumbaka kandi mba, niiva alaviika mundu mu vuhambe, siaveeye nu unyala kumutuliza mba.

Ayubu 19:8

Anyinyi inzira yange kunangwa mburi kuvita, kandi uviiki kisundi mu zinzira ziange.

Ayubu 30:10

Avandu vandunyiraa ligali nu kwiyahula ku inzi. Sivalindagiliraa ukunduzira amate mu moni mwange mba.

Zaburi 142:4

Lwa mbenzaa ku lovega lwu mukono gwange mulungi, si ndolaa mundu unyala kongonya. Sihaveeye nu mundu unyala kosoola, kandi sihaveeye ho nu mundu unyala kuniinda mba.

Zaburi 143:4

Kigira yaga, mwoyo gwange guukuzi, kandi lisuuvira liange lituli mu inzi.

Zaburi 31:11

Avasigu vange vosi. Mbitilira avatende vange vaandegeriza ligali kuvita. Yavo avamanya inzi. Vaanzirukaa, lwa vandora kunzira.

Zaburi 42:8

Yahova umanyie uvuyanzi vwivwe vutaveeye nekeheri ku ing'inga ya mbasu; kunangwa nduuki kwimba lwimbu lwu kumwizominya ha vudiku. Lwimbu yilu love kuli lisaala ku Nyasaye ombezaa livamwoyo.

Zaburi 88:18

Okoli kali valina vange vahimbi ligali vaandeke, ligali kisundi nicho ekeveeye muyanze wange weng'ine.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 63:3

Yahova yativura, “Inzi mali kuduvaga zihiiri kuli mazabibu, na siali ho nu mulala waza kongonya. Ndaziduvaga ligali mu vutima vwange, na amasahi gaavo giivaki ku zinguvu ziange ziosi.

Jeremia 32:2

Ing'inga yene yeyo iliihi liu mwami wa Babiloni lilakumberiza kandi lingilira Jerusalemi, na inzi Jeremia ndaakorwa muhambe mu mugizi gwi inyumba yu mwami wi Ivuyuda.

Zekaria 11:8

Si ndaali ni liekuzira na vayi vandi vavaga avandunyira mba. Ndavadiviza vosi ku mweli mulala.

Yohana 11:57

Avasaalisi vanene na Avafarisayo vaali nivahaani malago ndi, niiva mundu amanyi havundu ha Yeso aveeye, avavoolere, kunangwa vaduuki kumugumira.