Zaburi 85:3 - KITABU KITAKATIFU

³ Ivi umali kolekera kuva nu vutima navo, kandi umali kwigalira uvutima vuvwo vululu.

Zaburi 85:3 ပူးပေါင်းရင်းမြစ်များ

2 Kyetsinyinga 6:39

Maku, hulira lisaala liavo kutura mwigulu ho vomenyo vuvwo, ma uvahe uvuguuti kandi usamihi avandu vovo avamala kwonera ivi.

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 78:38

Navuzwa Nyasaye yavererela avandu veve ligali. Yavasamiha uvwoni vwavo kandi siyavadiviza mba. Zing'inga zinyingi yigalira uvutima vwivwe vuvuli kutura, kandi siyaleka uvululu vwivwe vwosi vuduuki kuvo mba.

Kutwula 32:22

Haruni yativura, “Utava nu vutima ninzi mba ivi umanyi vulahi avandu yava, vaveeye nu mwoyo gwokokola uvudamanu.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 40:1

Nyasaye wiitu avoora, “Muleminye imioyo ja avandu vange, muvaleminye

Isaya 40:2

mudinyirizi avandu va Jerusalemi. Muvavoolere ndi uvusaaliri vwavo vumali kohera na kalunu mali kuvasamiiha uvwoni vwavo vwosi, kandi mali kuhaana mageri gange kuvo kigira uvwoni vwavo vwosi.”

Isaya 6:7

Na yaadira munwa gwange ni lianda liu muliru zana navoora, “Yili limali kudiira munwa gugwo, na kalunu mahiolo googo gatuliziywi ho kandi uvwoni vuvwo vusamihiywi.”

Jeremia 50:20

Lwa ing'inga yeyo iduuka, uvwoni sivulinyolekaku mukivala cha Isiraeli anoho uvuchamu mukivala chi Ivuyuda mba, kigira ndakasamihi avandu va Inzi mali kohonyia. Inzi, Yahova mali kovora.”

Ezekieli 16:63

Nasamihi uvwoni vwinyu vwosi vwa mumali kokora, navuzwa nimuvwizulizi kandi namuve muzizoni ligali kali sinamutivuli ku kindu mba.” Yahova Wuvunyali umali kovora.

Jona 3:9

Hawundi Nyasaye alagirung'anyia zing'anagani zizie. Hawundi alalekela uvutima, na kunyi kulavula kukuza!”

Mika 7:19

Ivi ulakoveera zimbavasi kandi. Ukusamihi uvwoni vwitu, kandi utavwizuliza mba.

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Kwidzulitsa 13:17

Kilala ku vindu viakalagirwa kudivizwa vitanyoleka ku mu makono ginyu mba, ma kandi Yahova agirung'ana kutura mu vutima vwivwe vululu; alamuveera zimbavasi, kandi alamukola muve avandu vanyingi kuli yasuuviriza avaguuga vinyu,

Kwidzulitsa 32:43

“Zihiiri, kuduuka mwizominye avandu va Yahova ahaanaa mageri ku yavo vosi avaviita. Avanzaa kisaalia ku avasigu veve kandi asamiiha uvwoni vwa avandu veve.”