Zaburi 84:3 - KITABU KITAKATIFU

³ O, Yahova Wuvunyali, mwami wange kandi Nyasaye wange, kali matondolizi gayumbaka zinyumba ziago, kandi zimile ziveeye ni zinyumba ziazio, ziviikaa viminyu viazio ahimbi nu vwali vuvwo.

Zaburi 84:3 ပူးပေါင်းရင်းမြစ်များ

2 Samweli 15:25

Maku Mwami Daudi yavolera Zadoku, “Yiranyia Lisandugu lieligana mu Lidaala linene. Niiva Yahova ayanziziywi niinzi, lidiku lilala alakaleke ndirane kulilola kandi havundu ha limenya.

Zaburi 116:7

Ove nilielemeriza mu mwoyo gwange; kigira Yahova umali kongolera malahi ligali.

Zaburi 42:3

Ndiraa mbasu nuvudiku, amaliga gange gaveeye chukulia change cheng'ine. Avasigu vange vandeva zing'inga ziosi, “Nyasaye woovo aveeye haliha?”

Zaburi 43:4

O, Nyasaye; maku ndanzia ku vwali vuvwo, O, Nyasaye; ivi oveeye uvutangiliru vwu vuyanzi vwange. Ndakuba uvukana vwange nukwimba zinyimbu ziukwizominya ivi, O, Yahova, Nyasaye wange.

Zaburi 5:2

Uhuliri lianira liange kigira vokonyi, O, mwami wange kandi Nyasaye wange! O, Yahova saala ku ivi.

Zaburi 90:1

O, Yahova, ivi oveeye vomenyo vwitu mu makura goosi.

Zaburi 91:1

Uyu omenya isi wi likingwa lia Nyasaye oveeye Igulu Ligali, uyu omenyaa isi wi chiriri cha Yahova Wuvunyali,

Ezekieli 24:21

mbolere munyi avandu va Isiraeli makuva yaga: munyi mwigingiraa kigira Litembeli liezingulu. Mwayaanza kulihenza kandi kuzia mulio, navuzwa Yahova azizaa kuliononyia. Avana vinyu avakaana na vayaayi avalitigala mu Jerusalemi valakitirwi mu vulwani ni kivavi.

Matayo 23:37

“Jerusalemi, O, Jerusalemi! Ivi uwiita avaporofeti, nukulasa amagina va Nyasaye atumaa ku ivi. Ni haali kanga niingerizaa kuvuungiza avana vovo harara, kuli engoko inyavuli ivungizaa ivimiinyu viayo mu zimbaha ziayo, navuzwa siwenya mba?

Matayo 8:20

Yeso yamutivulira, “Vivwi viveeye ni zimbangaywa, na amanyonyi gaveeye ni zinyumba ziago, navuzwa Umwana wa Adamu siaveeye na ahokososera mba.”