Zaburi 83:18 - KITABU KITAKATIFU

¹⁸ Leka vaduuki kumanya ndi, ivi oveeye Yahova Nyasaye, Wuvunyali, uwamihaa ligulu ni lirova.

Zaburi 83:18 ပူးပေါင်းရင်းမြစ်များ

Litanga 22:14

Aburahamu yagulika havundu yaho “Yahova ahaanaa.” Kandi kali kuduuka kalunu avandu vavoola, “Yahova ahaanaa ku kiguru chiche.”

1 Avami 18:37

Ndivulira O, Yahova, ndivulira kunangwa vandu yava vaduuki kumanya ndi ivi Yahova, oveeye Nyasaye, kandi wiranyie mioyo ja vandu yava vaze ku Ivi.”

2 Avami 19:19

Kalunu, Yahova Nyasaye witu, ukosoole kutura ku Avasiria, kunangwa izihiiri ziosi zie lirova ziduuki kumanya ndi ivi weng'ine, O, Yahova, oveeye Nyasaye.”

Zaburi 18:13

Maku Yahova yamoloma kuli inguba kutura mwigulu, na umwoyo gwa Nyasaye, oveeye igulu wa viosi, gwahulirika.

Zaburi 35:4

Leka yavo avagerizaa kunzita vaguutwi kandi valeganywe! Leka yavo avaang'anaganira uvudamanu mu vwivisu viranywe inyima nukudandana!

Zaburi 59:13

uvadivize mu vutima vuvwo vululu; uvadivize ligali. Maku avandu vosi valamanya ndi, ivi Nyasaye wamihaa mu Isiraeli, ndi uvwamihi vwivwe vulandaa kuduuka ku lirova liosi.

Zaburi 9:16

Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Zaburi 9:2

Ndimba nu vusangali kigira ivi, ndimba zinyimbu zie lizominya ivi, Nyasaye Wanyala Viosi.

Zaburi 92:8

O, Yahova, navuzwa ivi oveeye munene kuvita vosi mihiga ni mihiga.

Zaburi 97:9

Yahova Nyasaye Wuvunyali, oveeye mwamihi wi Lirova liosi; Ivi oveeye munene ligali kuvita avanyasaye vandi vosi.

Kutwula 6:3

Ndaaloleka ku Aburahamu, Isaka, kandi ku Yakobo kuli Nyasaye Wuvunyali, navuzwa sindimanyia kuvo ku lieta liange litakatifu, Yahova mba.

Isaya 42:8

“Inzi mbeeye Yahova Nyasaye winyu, siaveeye ho numunyasaye wundi ohevwa vukumi vwange mba; anoho sindaleka vifananyi vinyoole lizominywa liange.

Isaya 5:16

Navuzwa Yahova Wuvunyali amanyia ovonene vwivwe mu likora lilie lirungi, kandi avuulaa uvutakatifu vwivwe mu likalagira avandu veve.

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Jeremia 16:21

Yahova avoora, “Kunangwa, liukutanga kandi liukumaliriza, inzi ndakora zihiiri kumanya zinguru ziange kandi vunyali vwange; zilakamanye ndi inzi mbeeye Yahova.”

Ezekieli 30:19

Lwa nambane mageri ku vandu va Egebeti, maku valakamanye ndi, Inzi mbeeye Yahova.”

Ezekieli 38:23

Munzira kuli yiyi, namanyie zihiiri ziosi ndi, inzi mbeeye munene kandi mbeeye mutakatifu. Valakamanye ndi inzi mbeeye Yahova.”

Danyeli 4:25

Ulakungwa kutura mu vandu na uzie komenya ni zinyama. Ku mihiga 7 ulayaa vunyasi kuli igiriki yu kulima. Ulagona mu kiguti ni lime lilagwa kuivi. Maku ulavugilira ndi Nyasaye Wuvunyali alindaa vwamihi kandi anyala ku vuhaana ku mundu woosi watovoye.

Danyeli 4:32

Ulakungwa kutura mu vandu kandi ulazia komenya harara ni zinyama ziu mumilimi, kandi ulalia vunyasi ku mihiga 7 kuli igiriki yu kulima. Maku ulamanya ndi Nyasaye Wuvunyali aveeye ni zinguru ku vwamihi vwu mundu kandi anyala ku vuhaana ku mundu woosi watovoye.”

Mika 4:13

Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”

Zekaria 4:14

Maku yavoola, “Yava na vasaza 2 va Nyasaye amali kotovola nu kuvavaka maguta vaduuki kutumikira Yahova wi kivala choosi.”