Zaburi 82:3 - KITABU KITAKATIFU

³ Mukingi uvulungi vwa vadaka navavisandu kuduuka muduukizi uvulungi vwa vadambizwa kandi avatiinyalizaa.

Zaburi 82:3 ပူးပေါင်းရင်းမြစ်များ

Ayubu 29:12

Yaga gaali ndio kigira ndakonya avadaka avaaniraa ku inzi, kandi ndakonya avavisandu avataali nu mundu uvakonyaa.

Ayubu 31:21

“Niiva ndagaada umuvisandu, ninganagana ndi nyara kuguuta mu kiyaalo,

Zaburi 10:18

Ivi ulahulira lianira lia avadambizwa navavisandu; ulavakalagila kolondekana ku vulungi vwavwo. Kunangwa avandu vatahindira mihiga ni mihiga vavuli kuvatihiza kandi mba.

Kutwula 23:3

Utamanyia liyaanzilira ku mudaka mu liyaalwa lilie mba.

Kutwula 23:6

“Utachaminya likalaga liu vulungi ku mudaka lwa aduukaa imbiri wi kiyaalo mba.

Tsing'ano 31:9

Uvamolomere ma ove mukalagi wa giligali. Ukingi lienya lia vadaka harara na vatinyaliza.”

Isaya 1:17

na mwigi okokora amalungi. Mulole ndi likalaga liuvulungi likoleywi. Mukoonye yavo avadambizwa, muhe avavisandu uvulungi vwavo, na mukingi avakunzakali.”

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Jeremia 22:16

Yaali ni likalaga lirungi ku avadaka, kandi vwali vulahi kuye. Yiki nicho kivuni kumanya Yahova.

Jeremia 22:3

“Inzi Yahova, mulaga mukore likalaga liveeye lirungi kandi liu vulungi. Mukingi mundu umali kunuurwa kutura ku munuri. Mutakola uvudamanu anoho mutadambiza avageni, avavisandu anoho avakunzakali mba. Mutiita avandu vataveeye nimbara havundu yaaha mba.

Jeremia 5:28

kandi kigira vaveeye avakomeru ligali kandi avanifu. Si vaveeye nekeheri ku vikolwa viavo vidamanu mba. Sivahaana ku avavisandu agadukanaa navo mba, anoho si vamanyia likalaga lirungi ku avadambi mba.

Zekaria 7:9

“Ndahaana malago yaga ku vandu vange kale ligali: ‘Gamudukira muve ni likalaga lirungi, kandi mumanyie vohoma ni zimbavasi ku mundu nu wache.

Kwidzulitsa 10:18

Akolaa zinguru kolola ndi avavisandu na vakunzakali valindiywi keleng'ani; kandi ayaanza avageni navaha viukulia nezinguvu.

Kwidzulitsa 24:17

“Mutachaminyi likalagirwa liu vulungi lia vageni anoho vavisandu mba; kandi mutavuguli inguvu yumukunzakali kuli kihambiliru mba.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.