Zaburi 82:2 - KITABU KITAKATIFU

² “Kuduuka mulekere likalaga litaveeye nuvulungi nukumanyia liyanzilira avandu vadamanu.

Zaburi 82:2 ပူးပေါင်းရင်းမြစ်များ

1 Avami 18:21

Elija yazia ku vandu zana navoora, “Galavugula lohono ki kunangwa munyi muduuki ku likalaga? Niiva Yahova ni Nyasaye, mumusigamiri; navuzwa niiva Baali aveeye nyasaye, mumusigamiri!” Navuzwa vandu sivativula likuva kali lilala mba.

2 Kyetsinyinga 19:7

Kunangwa kalunu, muhaane ku Yahova luyali, mwilindi ku goosi aga mukoraa, kigira Yahova Nyasaye wiitu sialiikuzira ku lichaminya uvulungi, anoho liyanzilira magondo mu likalaga, anoho livugula vikukula.”

Ayubu 32:21

Sindayanzilira mundu kuvita wundi mba, anoho kutumikira amakuva gukwizominya mundu vuzwa muvugaadi mba.

Ayubu 34:19

Nyasaye siamanyiaa liyaanzilira ku avami vi vivala anoho kohendera avatugi mwoyo kuvita avadaka mba, kigira yava vosi vaveeye miyinzi ja makono geege.

Zaburi 62:3

Mulingilira mundu kuduuka ng'inga ki? Munyi mwosi, mulamuzoma hasi, mundu oveeye kuli lidigi liyeekaa, kandi kuli lugaga lodengeyaa?

Kutwula 10:3

Kunangwa Musa na Haruni vazia ku Mwami nivavoora, “Yahova, Nyasaye wa Avaheburaina, avoora, ‘Ulasuula kwegehiza ku inzi kuduuka ng'inga ki? Leka avandu vange vazie kunangwa, vaduuki kusigamira.

Tsing'ano 18:5

Sivoveeye vulahi kuyaanzilira mundu mudamanu nu kwigalira mundu utaveeye nimbala konyoora vulungi mba.

Ezekieli 45:9

Yahova Wuvunyali yavoola, “Munyi avamihi va Isiraeli, mwakora uvwoni ku ing'inga indambi! Mulekere kolola kilage kandi lidambiza. Mukore agaveeye amalungi kandi likalaga lirungi. Mutakungi avandu vange vatuli mu kivala chavo kandi mba. Inzi Mwami Munene Yahova muvooleraa yaga.

Kyavalevi 19:15

“Muve vasuuvirifu kandi avalungi lwa muva nimuhaanaa likalaga mu viyaalo mutamanyia lieriza anoho liyaanzilira vadaka kandi mutatia vatugi mba.

Matayo 17:17

Yeso yativura, “Munyi avamuvula ilisuuvira! Ndamenya ni munyi kuduuka ng'inga ki? Ndikuzira ni munyi kuduuka ng'inga ki? Ndeteri umwana zana hano.”

Vagalatia 2:6

Navuzwa ku yavo avaloleka kuva vaveeye aviimiliri vanene hagati ha vandu avasuuviraa, mboraa yaga kigira ovonene vwavo sivoveeye ni kivuni ku inzi mba. Nyasaye siakalagaa ku lihenza ligondo lie chova liu mundu mba. Aviimiliri yavo, si vaali ni kindu chokomeda ku Ivangeri ya nzilwazaa yiyi mba.

Kwidzulitsa 1:17

Mutamanyia liyaanzilira lovega lulala mu likalaga lienyu mba. Mukalagiri mundu sa mulala keleng'ani; kali ave nivwaha, munene anoho mukekeeke. Mutatia mundu kali mulala mba, kigira likalaga lia muhaanaa litulaa ku Nyasaye. Niiva likuva liosi liveeye lidinyu kumunyi mulileete kuinzi, na ndalikalaga.’