Zaburi 81:8 - KITABU KITAKATIFU

⁸ O, avandu vange Isiraeli, hulirizi ku lieganihiza liange; vwakaveeye vulahi mulambuliriza!

Zaburi 81:8 ပူးပေါင်းရင်းမြစ်များ

Zaburi 50:7

“O, avandu vange, hulirizi, na ndamoloma, O, Isiraeli nokolorekiza uvudamanu ku munye; inzi mbeeye Nyasaye Yahova winyu.

Zaburi 81:13

Vwakaveeye vulahi avandu vange Isiraeli valambuliriza! Vwakaveeye vulahi niiva vakambuliyi!

Kutwula 15:26

Yavoola, “Niiva mulahulira ligali mwoyo gwange, inzi Yahova Nyasaye winyu ku likora agaveeye malungi imbiri wange nukulinda amalago gange, sindamuha amageri ni zinguzu zia ndaleta ku vandu va Egebeti mba. Inzi mbeeye Yahova muhonyi winyu.”

Kutwula 17:7

Havundu hazana halangwa Maasa na Meriba, kigira avandu va Isiraeli vililira kandi vageriza Yahova lwa vateva, “Yahova aveeye nikunyi anoho mba?”

Kutwula 19:16

Kunangwa lidiku likora kavaga inyinga yu mugamba haali ho nilihirigana lienguba kandi loheni, ililesi liliduhu lialoleka ku kiguru, nu umwoyo munene ligali gwikisiliva gwahulirika. Avandu vosi avaari hokososa vaadegera nuvuti.

Isaya 1:19

Niiva muratia inzi, mulalia vindu vilahi vie kivala.

Livalidza 20:13

Yaga gekolekela ha Meriba ha vandu va Isiraeli vigaana kigira Yahova kandi hayavamanyila ndi aveeye mutakatifu.

Yohana 3:11

Ngovolera ligali, kunyi komolomaa ku aga kumanyi kandi kololekizaa aga kwalola, navuzwa munyi simuyaanzaa kuvugilira amakuva gililolekiza lietu mba.

Vikolwa 20:21

Ndiganihiza avandu vosi Vayuda, na vandu vi zihiiri, viganiri ma viirane ku Nyasaye, nu kusuuvira Mwami wiitu Yeso Kristo.

Kwidzulitsa 32:46

yavoola, “Muve na giligali kuhulira amalago yaga goosi aga inzi mali kumuha kalunu. Mwirane kwigiza avana kunangwa vaduuki kolonde amalago yaga goosi aga inzi mali kumuha kalunu mwigizaa avana vinyu malago yaga kunangwa vaduuki kolonda amigizu goosi ga Nyasaye nu vusuuvirifu vwosi.

Kwidzulitsa 5:27

Musa, yirana uzie yo kandi uhuliri goosi ga Yahova Nyasaye wiitu avoora. Maku wirane yinu okovolere goosi aga Yahova Nyasaye wiitu akovoleraa. Kulahulira nukugalinda.’

1 Yohana 5:9

Nikuva nikuvugilira lilolekiza lia avandu, lilolekiza lia Nyasaye liveeye linene kuvita; umali kuhaana kololekiza ku umwana weve.