Zaburi 81:3 - KITABU KITAKATIFU

³ Mukubi kisiriva kigira lilia, lwu mweli gulavaa kandi lwu mweli guchelaa.

Zaburi 81:3 ပူးပေါင်းရင်းမြစ်များ

2 Avami 4:23

Musaza weve yateeva “Kigira ki uzie kalunu? Siliveeye lisabato kinga lisavo liu Mweli Muhia.” Yativura, “Utahenda mwoyo mba.”

1 Kyetsinyinga 15:16

Daudi yavolera aviimiliri va va Levi okotovola vandu vi hiiri ya Levi valala vimbi zinyimbu ziu vusangali nu kukuba viju viavo vie zinyimbu vudinyu ku vukana vwi migoye, marere kandi ni vikuli viu kulangilira.

1 Kyetsinyinga 15:19

Vimbi vaali Hemani, Asafu, na Ezani venyeka vakubi vikuli viu mugasa.

1 Kyetsinyinga 15:24

Vasaalisi Shebania na Joshafati, Nezaneli, Amasai Zakaria, Benaya kandi Elieza, vatovolwa vaduuki kukuba visiliva imbiri wi Lisandugu Lie lilagana lia Nyasaye. Obedi Edomu na Jehia navo kandi vaali avalindi vi kirivwa vi Lisandugu.

1 Kyetsinyinga 16:42

Hemani na Jeduzuni vasingilira likuba visiliva ni vikuli, kandi ni viju vindi viosi viakubwa lwa viimba zinyimbu ziu kwizominya Yahova. Avandu vi kiliango cha Jeduzuni valinda virivwa.

1 Kyetsinyinga 16:6

na avasaalisi vaviri - Benaia na Jahazieli, vakuba visiliva vuli kazozo imbiri wi Lisandugu lie Lilagana lia Nyasaye.

1 Kyetsinyinga 25:1

Mwami Daudi na aviimiliri va vandu va Levi vaatovora vi viliango via vandu va Levi ukwimilira miyinzi ju kusigamira Yahova. Yava vaali Asafu, Hemani, na Jeduzuni. Venyeka vilwaaze makuva ga Nyasaye, harara ni zinyimbu ziuvukana kandi uvukana vwi migoye kandi vikuli. Yili nilio lilohiza lia avandu vatovolwa ukwimilira lisigamira, nu lugano lwu vutumiki lwa vuli mundu yakola.

2 Kyetsinyinga 13:12

Nyasaye mwene aveeye harara ni kunyi na aveeye mwimiliri wiitu. Avasaalisi veve vaveeye hano nivisiriva viu vulwani, vetegeki kuvikuba kulanga kunyi kumulwaane. O, munyi avandu va Isiraeli, mutalwaani Yahova, Nyasaye wa vaguuga vinyu mba! Si munyala kuguuta mba!”

2 Kyetsinyinga 13:14

Avayuda viikivuka nivalora ndi vaakumbiriziywi. Vanira ku Yahova avakoonye, na vasaalisi vaakuba visiliva.

2 Kyetsinyinga 2:4

Inzi nyumbakaa Litembeli ukuhaana luyali ku Yahova Nyasaye wange. Lilava havundu Hatakatifu aha avandu vange harara ni inzi kulamusigamira ho ni lisaamba kimuli chu kufunya mwayu mulahi, aha nakuhaanirange vihaanwa viu mugadi Mutakatifu gwu kumanyira ku kazozo, kandi aha nakuhaanirange vihaanwa viu kusambwa vuli mugamba na mugolova; kandi ku Masabato, masavo gi Mieli Mihia kandi na madiku gandi Matakatifu gukuhaana luyali ku Yahova Nyasaye wiitu. Yahova umali kulaga Isiraeli kokora ndio mihiga ni mihiga.

2 Kyetsinyinga 5:12

Ma kandi vandu va Levi vosi avaari avimbi, Asafu, Hemani, na Jeduzuni, avana vayaayi vaavo, na viiko vaavo vosi, viviika zinguvu zindahi, harara ni vikuli nu vukana vwi migoye. Vasingira Ivugwi wu vwali harara na avasaalisi 120 avaari avakubi vi visiriva.

2 Kyetsinyinga 8:13

Yahaana vihaanwa viu kusamba kolondekana na malago gi lilaga lia Musa kigira vuli lidiku litakatifu lie lisabato, mweli muhia gwa masavo gi migadi jitali na mamera, amasavo gi ligesa, kandi amasavo gi vidioli.

Zaburi 149:3

Mwizominye lieta lilie mu livina. Mukubi zindumba nuvukana mu limwizominya.

Zaburi 33:2

Mwizominye Yahova nu vukana, mwimbi zinyimbu ziu kusandiza nu vukana vwi migoye likomi!

Zaburi 98:6

Mukubi visiliva kandi zinziga, muhanzuki kigira uvusangari ku Yahova, mwami wiitu.

Lisyoma lya Jeremia 2:6

Yasambula havundu haavo hokomenya hatigala kuli mulimi, kandi yakola havundu haavo havatovola hukuvuganira kuva amang'anye. Yamali koheriza lidiku liavo lie lisavo kandi lisabato mu Ziyoni; yamali kuviika vutima vwivwe vululu ku avami kandi avasaalisi.

Nahum 1:15

Henza, mutumwa yaazaa kutura ku kiguru; aveeye na makuva malahi! Yaazaa kulandiza mirembe! Mulombe amasavo munyi avandu vi Ivuyuda, kunangwa muduuki ku twekiza lilagana lienyu na Nyasaye. Avandu vachamu sivalaza kwingilira kivala chiinyu kandi mba. Vosi vamali kudivizwa ligali!

Livalidza 15:3

Vahane ku Yahova igiriki, ligondi limigu, ligondi noho imburi vinyala kuhaanwa kuli vihaanwa viu kusambwa, noho vihaanwa viu kuduukiza liesuuha anoho kihanwa chu vuyanzi anoho kihanwa chi lisavo lia kazozo. Lifunya liu mwayu mulahi gwi vihaanwa yivi lilayaanziza yahova.

Livalidza 28:11

Valeete ku Yahova kihanwa chu kusambwa vuli lidiku liu kutanga ku vuli mweli: Vimoli vigiriki viviri, limigu lilala, vimeme vimigu saba vio muhiga mulala, viosi vitaveeye nimbara

Kwidzulitsa 16:15

Muhaane ku Yahova Nyasaye winyu luyali ku lilomba lisavo ku madiku saba havundu harara hukusigamira ha Yahova yatovola. Musangare kigira Yahova umali kugasiza ligesa lienyu kandi miyinzi jinyu.

Vakolosai 2:16

Kunangwa mutaleka mundu woosi amukalagiri kigira viukulia anoho viukunwa anoho ku lidiku lie lisavo, anoho kulilonda mweli muhia, anoho lisabato mba.