Zaburi 81:12 - KITABU KITAKATIFU

¹² Kunangwa ndaavaleka vazie mu zinzira ziavo zie kilage, Nokolonda zing'anagani ziavo aveene.

Zaburi 81:12 ပူးပေါင်းရင်းမြစ်များ

Litanga 6:3

Maku Yahova yavoola, “Inzi si ndavugilira avandu komenya mihiga ni mihiga mba kigira vaveeye vandu vakuza. Kutura kalunu si valahindira kuvita mihiga 120 mba.”

2 Avami 18:12

Samaria liaguutwa kandi ni ligumirwa kigira vandu va Isiraeli sivahulira Yahova Nyasaye wavo mba; navuzwa vavunanyia lilagana lia Yahova yaali ni yalomba navo; kandi ni vavura kuhulira malago goosi agahaanwa na Musa, mutumikiri wa Yahova. Sivali vanyara kuhuliriza kinga kuhulira.

Nehemia 9:16

Navuzwa avaguuga viitu vigingiraa kandi vaali avamagoti madinyu ligali, kandi nivasuula kuhulira amalago googo.

Ayubu 8:4

Niiva avana vovo vayona imbiri weve, Nyasaye umali kuhaana amageri kuvo kolondekana nuvwoni vwavo.

Kutwula 11:9

Yahova yaali navoleeye Musa, “Mwami alazizagilira kuvula kumuhulira, kunangwa nduuki komeeda kokora vilolekizu vindi vinyingi mu Egebeti.”

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 30:9

Avandu yava vibaaraa ku Nyasaye vuli kazozo, vaveeye vana vuvugadi, avana valivula kuhulira miigizu ga Yahova.

Isaya 42:24

Nivwaha wahaana avandu va Isiraeli ku valanyi? Yaali Yahova mwene, wa kunyi kumali kokora uvwoni kuye! Sikwaali kunyala komenya kuli yenya komenye mba, anoho kuhulira amigizu ga yakuha mba.

Jeremia 42:21

Na kalunu mali kovoolera munyi, navuzwa si muhulira amakuva goosi aga Yahova Nyasaye wiitu yaandumi kumuvolera mba.

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Hosea 9:17

Nyasaye wange alasura avandu veve, kigira si vamuhuliraa mba. Valava avagendagendi hagati hi zihiiri.

Kyavalevi 26:14

Yahova yavoola, “Nimuvula kumbulira nokolonda amalago gange, mulahevwa mageri.

Vikolwa 14:16

Mu zing'inga ziavita Nyasaye yahaana vovoholore ku zihiiri ziosi zikole aga ziyaanzaa ziene.

Vikolwa 7:42

Kunangwa Nyasaye yagirung'ana kutura hagati haavo, na avaleka vasigamiri zing'ereng'ani ziu mwigulu, kuli gang'odwa mu kitabu cha vaporofeti: ‘Munyi avandu va Isiraeli! Siaveeye inzi wa mwitira zinyama no kondetera visiuviliru mihiga arubaini mwigendanyama!

Varumi 1:24

Kigira yaga, Nyasaye yavaleka vakole vindu vidamanu viemioyo jaavo jikayirwa, kandi vakora vindu vie zisoni nu kwononyia vukumi vwi miviri jaavo aveene.

1 Samweli 8:19

Navuzwa vandu yavo vasuura kuhulira Samweli. Vavoola, “Awa! Kwenyaa umwami,