Zaburi 80:9 - KITABU KITAKATIFU

⁹ Inyima lwa waali ni wakakua zihiiri zindi yizio kutura mu kivala cha Kanaani, avandu vovo vaavugura kivala ni vamenya mu. Kandi vameedeka ligali kuduuka niviizura kivala choosi.

Zaburi 80:9 ပူးပေါင်းရင်းမြစ်များ

2 Samweli 7:10

Mali kotovola havundu kigira avandu vange Isiraeli, kandi mali kuvaviikaho, na valamenya havundu yaho, vugira kudambizwa kandi. Vasaza vu vutindi vavuli kuvatulira kandi, kuli vaakora ku maziambiri;

1 Avami 4:20

Avandu vi Ivuyuda na Isiraeli vaali vanyingi kuli muyeke ku luginga lwi nyanza; valia nivanwa kandi nivasangala.

1 Avami 4:25

Ku lohono lwa yaali mwoyo kuli mwami, avandu muvivala viosi vie Ivuyuda na Isiraeli kutura Dani kuduuka Beerisheba vamenya mu mirembe; vuli vandu vinyumba vaali ni vizabibu kandi makuyu gaavo.

1 Kyetsinyinga 21:5

Yaleetera mwami Daudi amakuva gi livaliza liosi lia vasaza avanyala kuzia mu vulwani. Mu Isiraeli vaali mu avasaza 1,100,000, na mu Ivuyuda nivava vasaza 470,000.

Zaburi 105:44

Yavaha vivala via vandu vandi, kandi naleka nivavugura milimi jaavo.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Isaya 27:2

Lidiku yilio, Yahova alakavoole ndi, “Mwimbi lwimbu kigira mulimi gwange mulahi gwa mazabibu!

Isaya 27:6

Mu madiku gaaza avandu va Isiraeli, visukululwi via Yakobo, valahila imiri hasi kuli musaala, kandi valalaviza kimuli nukusivuka. Lirova liliizula makuyu garamaa.

Isaya 37:31

Yavo avalitigala vihiiri yi Ivuyuda valamedeka kuva vanyingi kuli misaala jihilaa miri musi mu malova nukwama makuyu malahi.

Isaya 5:2

Yalima mulimi natulizamu amagina goosi; yataga mizabibu milahi ligali. Yumbaka munara gwu kulindilira ku hagati hi kizabibu, kandi yayava liliina lio kolomberamu iwaini kutura ku mazabibu. Yalindilira makuyu kwenga, navuzwa vuli likuyu liali lilulu.

Jeremia 12:2

Ivi wavasimika kuli musaala navahira imiri; vaviruka kandi vaama amakuyu. Vuli ing'inga vamoloma vulahi kigira ivi, navuzwa sivakohendera mwoyo mba.

Jeremia 2:21

Ndaali ni ndamusimika kuli musaala gwa makuyu gwa ndaatovora, kutura ku uvuguza uvulahi ligali. Navuzwa loli kuli mumali kugirung'ana! Muveeye kuli muzabibu gumali kugunda ugutaveeye kindu kali hakuzu.

Joshua 24:12

Ndaatuma amahalamba imbiri winyu, kuvadandanyia nukuvakuunga - kandi avami vaviri va Avaamori. Simwakola ndio ni vivavi anoho uvuta vwinyu. Sizia li zinguru zienyu anoho aveene mba.