Zaburi 80:11 - KITABU KITAKATIFU

¹¹ Avandu vameedeka ligali kali kuduuka ku zinzako zie kivala, kutura kunyanza ya Meditareniani kuduuka ku mugera gwa Efurate.

Zaburi 80:11 ပူးပေါင်းရင်းမြစ်များ

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

1 Avami 4:21

Vwamihi vwa Solomoni vwosi vwa haambanyia harara vivala kutura ku mugera gwa Efurate kuduuka ku kivala cha Avafilisitia, kandi kuduuka ku lwako lwa Egebeti. Avandu vi vivala yivi viosi vaatunga uvusuru kuye kandi yavamiiha mu madiku goosi ga yaali mwoyo.

1 Avami 4:24

Solomoni yamiha kivala choosi keveeye imadioli wu mugera gwa Efurate, kutura Tifusa ku mugera gwa Efurate kuduuka imadioli wi lidaala linene lia Gaza. Avami vosi imadioli wumugera gwa Efurate vamifwa naye, kandi yaali mu mirembe ni vivala viosi viali vatende veve.

1 Kyetsinyinga 18:3

Mwami Daudi yingilira nu kuguuta mwami Hadadezeri wa Zoba, kilala ku vivala via Siria, ahimbi ni kivala cha Hamazi, kigira mwami Hadadezeri yaali nageriza kuvugura uvwamihi vwi kivala keveeye iluhia wu mugera gwa Efurate.

Zaburi 72:8

Uvwami vwivwe vuladuuka kutura kunyanza kuduuka kunyanza, kutura ku mugera gwa Efurate kuduuka ku keheri chi lirova.

Kutwula 23:31

Ndalomba zinzako zie kivala chiinyu zivambalale kutura ku mukono gwi Inyanza inzakanyu kuduuka kunyanza ya Meditareniani gwa vandu va Filisitia kandi kutura ku changalangwi kuduuka ku Mugera gwa Efurate. Ndamuha zinguru ku avandu vumukivala yicho na munyi mulavakunga vatuli imbiri winyu lwa muvingilira.