Zaburi 80:1 - KITABU KITAKATIFU

¹ Ukuhuliri O, Yahova Mwayi wa vandu va Isiraeli, ukuhulirizi ivi uwaali wi visukululwi via Josefu kuli ichayo cha amagondi; Ivi wikala kondeve yu vwami igulu wa Vakerubi, ong'ereng'ane,

Zaburi 80:1 ပူးပေါင်းရင်းမြစ်များ

2 Samweli 6:2

kandi navimilira kuduuka mu lidaala lia Baala mu Ivuyuda, kunangwa vaduuki koleta Lisandugu lie Lilagana lia Nyasaye, iliveeye ni lieta lia Yahova Wanyala Viosi, uwamihiizwa igulu wa vakerubi.

2 Avami 19:15

nasaara, “O, Yahova, Nyasaye wa Isiraeli, wikaye ku endeve yu vwami igulu wi vilombe vivio vie zimbaha, Ivi weng'ine oveeye Nyasaye, wamihaa uvwami vwosi vwi lirova. Walomba ligulu ni lirova.

Ayubu 10:3

Gaveeye vulahi ku ivi kuundambiza, nukuchaya mundu wa umali kolomba kandi nukuyaanzilila lilohiza lia vandu vachamu?

Zaburi 45:1

Mwoyo gwange gwizuuyi makuva malahi, ulwa ndohizaa kandi kuhandika lwimbu yilu ku mwami. Nyimbiraa umwami lwimbu yilu, lulimi lwange lwetegeki kwimba lwimbu lulahi, kuli ikalamu yu mung'odi mulahi.

Zaburi 5:1

Uhuliri lisaala liange, O, Yahova, na uhuliri likenya liange.

Zaburi 50:1

Yahova Nyasaye, Wuvunyali, amolomaa. Alangiliraa ku lirova liosi kutura Ivugwi kuduuka Imadioli.

Zaburi 50:2

Nyasaye ang'ereng'anaa kutura ku kiguru cha Ziyoni, lidaala liveeye lilahi ligali kandi liduukiru!

Zaburi 55:1

O, Nyasaye, hulira lisaala liange; utasuula kuhulira ligoonya liange mba.

Zaburi 60:1

O, Nyasaye, ivi umali kukusuura Ivi umali kuvunanyia likingwa lietu; Ivi waveeye nu vutima; mwaza, yaanza ukwiraniri.

Zaburi 69:1

Ombonyie, O, Nyasaye ombonyie! Amazi gaduuki mwigoti mwange;

Zaburi 77:20

Ivi wimilira avandu vovo kuli mwayi wi chayo cha magondi, kandi watovola Musa na Haruni kuva vimiliri vaavo.

Zaburi 78:52

Maku, yimilira avandu veve nivatura kuli mwayi wa magondi, kandi naavimilira kuvitira mu changalangwe.

Zaburi 78:67

Navuzwa yasura visukululwi via Josefu; siyaatovola ihiiri ya Efuraimu mba.

Zaburi 80:19

O, Yahova Nyasaye Wuvunyali, yaanza ukwiranyie. Maku okoveere zimbavasi, na kunyi kulahonywa.

Zaburi 80:3

O, Nyasaye, yaanza ukwilanyie okoveere zimbavasi kandi okohonyie ku avasigu viitu!

Zaburi 80:7

O, Nyasaye, Wuvunyali, yaanza ukwiranyie, ma okoveere zimbavasi na kunyi kulahonywa ku vasigu viitu.

Zaburi 94:1

O, Yahova, ivi oveeye Nyasaye uvanzaa kisaalia ku vasigu vovo; uvuli uvutima vuvwo kuvo.

Zaburi 99:1

Yahova aveeye mwami; leka avandu vadegere. Yikalaa kondeve yeeye yu vwami igulu wi vilombe vie zimbaha, na lirova lidengeyaa!

Isaya 40:11

Yahova alalinda avandu veve, kuli umwayi alindaa nu kwaya chayo chiche. Alavungiza vimeme via amagondi geege harara, kandi alagavugula mu makono geege, na alagaginga ku kiritu chiche. Alalinda nu kwaya amagondi geege novohooma.

Isaya 60:1

Vuka ivi Jerusalemi, kandi ong'ereng'ane kuli liuva; uvukumi vwa Yahova vong'ereng'anaa ku ivi!

Isaya 63:11

Maku avandu veve vizuliza madiku ga kale, madiku ga musa mutumikiri weve. Vateva, “Yahova aveeye haliha kalunu, aviimiliri va vandu veve kutura mu inyanza nzakanyu? Aveeye haliha uyu uwavika Roho weve Mutakatifu hagati haavo,

Ezekieli 1:13

Hagati hi vilombe yivi, kindu chaliho ichaloleka kuli amanda gu muliru, chaloreka kuli ulumuli lwi kiyayi nikimulamulaa hagati hi vilombe. Muliru gwene yigwo gwaali nu vwaku ligali, kandi oloheni lwatula mugwo.

Ezekieli 10:4

Uvukumi vwa Yahova vwatula ku vakerubi nivuzia mu vwingiliru vwi Litembeli. Maku amalesi gakunikaa Litembeli, no vong'ereng'anu vwu vukumi vwa Yahova vwakunika mugizi gwi Litembeli.

Ezekieli 34:23

Ndahaana Mwami Daudi yeng'ine kuli mutumikiri wange kuva mwimiliri wavo kandi alagalinda.

Ezekieli 43:2

Hene yaho, ndaalora uvukumi vwa Yahova wa Isiraeli nivuza kutura Ivugwi. Mwoyo gwa Nyasaye gwahulirika kuli lihuuma lia mazi manene, nu vukumi vwivwe vwang'ereng'ana ku lirova.

Danyeli 9:17

O, Nyasaye, hulira lisaala ni ligoonya liange. Yumbaka vuhia Litembeli liilio liamala kudivizwa: Liumbake vuhia kunangwa mundu vwosi amanye ndi ivi oveeye Nyasaye.

Yohana 10:14

“Inzi mbeeye mwayi mulahi, kandi manyi avaveeye avange, navo avaveeye avange, vamanya inzi,

Kwidzulitsa 33:2

Yavoola: “Yahova yaza kutura mu kiguru cha Sinai; yatonga kuli liuva kutura Edomu, kandi yang'ereng'ana ku avandu veve kutura ku kiguru cha Parani. Zingelosi zielefu kumi ziali harara naye, na umuliru gwaadukaa gwaali ha mukono gwigwe mulungi.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

1 Petro 2:25

Mwali ni mwagota kuli amagondi, navuzwa kalunu mumali kwilanywa muduuki kolonda umwayi oveeye umulindi wi mioyo jinyu.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.

Likunula 21:23

Lidaala linene zana siliveeye ni liuva anoho umweli ukwaka kulio mba, kigira uvukumi vwa Nyasaye vwalilaviza. Itaya yalio nu Mwana wi Ligondi.

1 Samweli 4:4

Kunangwa vaatuma avatumwa Shilo kandi nivaleeta Lisandugu lie Lilagana lia Yahova Wanyala viosi, uwikaye ku endeve yu vwami igulu wa Vakerubi. Avayaayi va Eli vaviri, Hofini na Finiasi vaza harara ni Lisandugu lie Lilagana.