Zaburi 8:3 - KITABU KITAKATIFU

³ Lwa mbenzaa mu ligulu lia walomba, mweli kandi zing'ereng'ani zia wasingiriza mu vogono vwazio,

Zaburi 8:3 ပူးပေါင်းရင်းမြစ်များ

Litanga 1:1

Mu litanga, Nyasaye yalomba ligulu ni lirova.

Ayubu 22:12

Nyasaye siamenyi igulu mwigulu ligali, na aheenzaa hasi ku zing'ereng'ani, kali niiva ziveeye igulu ligali?

Ayubu 25:3

Aveeye ho nu unyala kuvaliza zingelosi avamutumikiraa? Haveeye ho na havundu hu uvulavu vwa Nyasaye vuvuraa kong'ereng'ana?

Ayubu 25:5

Henza, kali umweli si goveeye mwaaku mba, kandi zing'ereng'ani si ziveeye zisiyiku imbiri wa Nyasaye mba.

Ayubu 36:24

Yizominyangwa kazozo ku miyinzi jakola. Ivi kandi kuduuka umwizominye.

Zaburi 104:19

Ivi walomba umweli kumanyia zing'inga zie mieli; kandi walomba liuva kumanya ing'inga idukanaa liyere.

Zaburi 111:2

Vikolwa via Yahova viveeye vinene ligali! Yavo vosi avayaanzizangwa navio venya kuvimanyiriza.

Zaburi 148:3

Mwizominye Yahova munyi liuva nu mweli; mumwizominye munyi zing'ereng'ani zing'ereng'ana.

Zaburi 19:1

Ligulu livuulaa uvukumi vwa Nyasaye! Uvwerefu vulandizaa miyinzi jije!

Zaburi 33:6

Yahova yalomba ligulu ku lilaga lilie: liuva, mweli kandi zing'ereng'ani ku likuva lilie lia yamoloma.

Zaburi 89:11

Ligulu ni lirova viveeye vivio, walomba lirova kandi vindu viosi iviveeye mu lio.

Kutwula 31:18

Lwa Nyasaye yamala komoloma ku Musa mu kiguru cha Sinai, yamuha vibaho viviri ukwa Nyasaye mwene yaali nang'odi amalago.

Kutwula 8:19

Avakumu yavo vavoolera Mwami, “Nyasaye umali kokora yaga!” Navuzwa Mwami yadinyia mwoyo gwigwe ligali kandi kuli Yahova yaali navooye, Mwami Munene siyaahulira Musa na Haruni mba.

Luka 11:20

Navuzwa niiva inzi ngungaa amademoni kuzinguru zia Nyasaye, mumanye ndi Uvwami vwa Nyasaye vumali kuduuka ku munyi.

Varumi 1:20

Kali kutura ing'inga ya Nyasaye yalomba lirova, liiva lilie litalolekaa ni zimoni, liveeye zinguru zizie zie mihiga ni mihiga, kandi liiva liuvunyasaye vwivwe, vumali kololeka vulahi ligali. Avandu vanyara kumanya makuva yaga kuturana ni vindu via Nyasaye yalomba. Ku lwa yago, sivaveeye ni chavativula mu liekinga liavo mba!

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.