Zaburi 8:2 - KITABU KITAKATIFU

² vukumi vuvwo vwizominywa na avayaayi, kandi avana vadoto. Ivi wayumbaka imbinga ukwikinga kutura ku vasigu vovo vosi, kandi ukiring'anyia yavo avahing'anaa nivi, kandi avavanzi vi kisaalia.

Zaburi 8:2 ပူးပေါင်းရင်းမြစ်များ

Zaburi 148:13

Leka vosi vizominye Yahova! Lieta lilie liveeye linene kuvita gandi goosi; uvukumi vwivwe voveeye igulu wi lirova ni ligulu.

Zaburi 4:4

Mutaleki uvutima vwinyu vumwimiliri kokora uvwoni mba; muganagane vudinyu ligali ku makuva yaga, lwa mugonaa machiriri mu vitanda vienyu.

Zaburi 44:16

Kigira kutura ku lihulira amakuva ga manyego ni lisekerizwa lia vasigu vange, ni lilegerizwa, kandi yavo avandunyira.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 57:6

Inzi mbeeye mukivi, kigira avasigu vange vamali kotega mutego gwu kung'umira. Vayavi iliina munzira yange, navuzwa yavo aveene vamali kugwa mulio.

Kutwula 11:7

Navuzwa kali imbwa silalokera mundu wa Isiraeli anoho mutugu mba. Maku mulamanya ndi Inzi, Yahova, nombaa liavukanyia hagati ha vandu va Egebeti na vandu va Isiraeli.’ ”

Kutwula 15:16

Litihiza nu vuti vonene viduuki kuvo. Valora zinguru zizio, O, Yahova, kandi vaasingiyi no vodedekere kandi nuvuti kuduuka lwa avandu vovo vaambuka, avandu vawavoholola kutura mu vutugwa.

Isaya 40:31

Navuzwa yavo avasuuviraa mu Yahova kigira vokonyi valanyora zinguru ziavo uvuhia. Valaburuka nizimbaha kuli kihungu; valanyagula na si valaluha mba, valagenda na sivalava vadedekere mba.

Isaya 6:3

Zihanzuka harara nizivoora: “Mutakatifu, Mutakatifu, Mutakatifu! Yahova Wuvunyali aveeye Mutakatifu, uvukumi vwivwe vwizuyi mu lirova liosi.”

Amosi 5:9

Aleetaa lidiviza ku avizingulu kandi ku zimbinga ziavo.

Habakuk 2:20

Yahova aveeye mu Litembeli lilie Litakatifu; gaduukanaa vuli mundu woosi akiring'ane imbiri weve.

Matayo 11:25

Ing'inga yeyo Yeso yavoola, “Baba, Mwami wi ligulu kandi lirova! Ngusandizaa ligali kigira waavisa ivindu yivi ku avageri na avilimanya, na nuukunulira ivihanzahanza.

Matayo 21:16

Kunangwa vateva Yeso, “Uhuliraa gavavoola?” Yeso yavativulira, “Yee, ligali mbulira. Simwasoma Mang'oda Matakatifu yaga? Wayigiza avana vakekeeke na avana vanuuna vahane lizominya liduukiru ni minwa jaavo.”

Luka 10:21

Ing'inga zana yeyo, Yeso yizula uvusangari mu Roho Mutakatifu, niyizominya Nyasaye, navoora, “Baba, Mwami wi ligulu nilirova. Ngusandizaa ligali kigira ivi umali kuvisa ivindu yivi kuvageri kandi ku avilimanya, navuzwa uvuuliyi vihanzahanza. Yee, Baba, nindio wayanza yaga gakolwi kuli vulaliri vuvwo.

1 Vakorintho 1:27

Navuzwa Nyasaye yatovola ivindu vie lirova liganaganaa kuva uvusiru, aduuki kuhaana zisoni ku vageri. Nyasaye yatovola ivindu vie lirova liganaganaa kuva videdekere aduuki koleganyia yavo avaveeye nizinguru.

1 Samweli 2:9

“Asoolaa livamwoyo lia vandu avasuuvirifu veve; Navuzwa avadamanu vagotelaa mukisundi; kigira mundu siagutaa kigira zinguru zizie mba.