Zaburi 79:8 - KITABU KITAKATIFU

⁸ O, Yahova, utahaana ku kunyi amageri kigira uvwoni vwa vaguuga viitu mba. Yaanza okoveere zimbavasi. Kumali kogotiza lisuuvirizwa lietu liosi.

Zaburi 79:8 ပူးပေါင်းရင်းမြစ်များ

Litanga 15:16

Ku ing'inga ya makura gane, imbiri wi visukululwi vivio vilirana hano, kigira inzi si ndakunga vandu va Amori mba, kuduuka lwa vakora uvudamanu ma vanyoore amageri.”

1 Avami 17:18

Mukunzakali uyu yavolera Elija, “Mundu wa Nyasaye, kigira ki nokora yaga ku inzi? Waza hano kwizuliza Nyasaye vwoni vwange no koleta likuza liu muyaayi wange?”

Zaburi 106:43

Yahova yahonyia avandu veve haali kanyingi, navuzwa vatovora kwibaala kuye, kandi vazizagilira kwiyingiriza mu vwoni vunyingi ligali.

Zaburi 116:6

Yahova akingaa avaveeye avadedekere, lwa ndaali mu vuhimwa yambonyia.

Zaburi 130:3

O, Yahova, niiva wakang'odi nukwizuliza livaliza liu vwoni vwitu, nivwaha wakahoni kutura mu likalagirwa?

Zaburi 142:6

Huliriza ku lianira liange liukwenya ovokonyi, zinguru ziange zimali kogeeha ligali; Ombonyie kutura ku vasigu vange, vaveeye ni zinguru ligali kuvita inzi.

Zaburi 21:3

Ivi waza kuye nuvugasu vonene ligali kandi nuviika itaji yi zahabu indahi ku mutwi gwigwe.

Zaburi 25:7

Usamihi uvwoni na mahiolo gu vwana vwange. O, Yahova mu vuyanzi vuvwo uvutahera kandi mu vulahi vuvwo unzizulizi.

Kutwula 32:34

Kunangwa kalunu uzie, kwimilira avandu vaduuki havundu ha mali kokovoolera. Wizulizi ndi engelosi wange alakwimilira; navuzwa mu ing'inga yiza lwa ndihaana mageri ku avandu yava kigira uvwoni vwavo.”

Isaya 64:9

Kunangwa Yahova, utava nu vutima ni kunyi mba, anoho utizuliza uvwoni vwitu mihiga ni mihiga mba. Kunyi kwosi koveeye avandu vovo, okoveere zimbavasi.

Ezekieli 2:3

“Mwana wu Mundu, ngutumaa ku avandu va Isiraeli. Vamali kwibaala nukugirung'ana kutura ku inzi, kandi vakikiri avibaali kuli avaguuga vaavo vaali.

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Hosea 8:13

Vahanaa visiuviliru ku inzi kandi ma valia inyama yukuvisiuviliru. Navuzwa inzi, Yahova, nzilira navo mba, kandi kalunu inzi ndizuliza uvwoni vwavo kandi ndavaha mageri. Inzi ndaviranyia Egebeti!

Hosea 9:9

Avandu yava vaveeye avadamanu ligali mu vikolwa viavo, kuli mu madiku gavaali mu lidaala lia Gibea. Nyasaye aliizuliza uvwoni vwavo kandi alavaha amageri.

Kwidzulitsa 28:43

“Avageni avamenyaa hagati hinyu valanyora zinguru ligali zinyingi kumuvita, navuzwa munyi mulazizagilira kogotiza zinguru zienyu.

Likunula 18:5

Kigira uvwoni vwalio vuvungi kitumi kuduuka mwigulu, kandi Nyasaye wizulizi uvudamanu vwalio.