Zaburi 79:1 - KITABU KITAKATIFU

¹ O, Nyasaye, avandu vizihiiri vamali kwingira mu kivala chicho. Vamali kwononyia Litembeli liilio Litakatifu, kandi vakoli Jerusalemi kuva amang'anye.

Zaburi 79:1 ပူးပေါင်းရင်းမြစ်များ

2 Avami 24:13

navugura vindu viu vuguli kutura mu Litembeli nu munyumba yu vwami navihira Babiloni. Kuli Yahova yaali navooye, Nebukadineza yatanyia iviju vie zahabu viosi viu mwami Solomoni yaali nalombi vitumiki mu Litembeli.

2 Kyetsinyinga 36:17

Kunangwa Yahova yaleeta mwami wa Babiloni kuvingilira. Mwami zana yita avayaayi vi Ivuyuda, kali yavo avaari mu Litembeli lia Yahova. Si yaali niliverera ku mundu woosi, muyaayi anoho musakulu, musaza kinga mukali, mulwaye anoho mulamu mba. Nyasaye yavahana vosi kuye.

2 Kyetsinyinga 36:19

Yasamba Litembeli lia Nyasaye kandi lidaala linene harara nizinyumba ziuvwami zialio, kandi nivononyia uvutugi vwalio naduya lidigi lie Lidaala.

Zaburi 50:1

Yahova Nyasaye, Wuvunyali, amolomaa. Alangiliraa ku lirova liosi kutura Ivugwi kuduuka Imadioli.

Zaburi 78:71

kutura ku miyinzi jukwaya magondi; kandi yamukola ave mwami wa Isiraeli umwayi wa vandu va Nyasaye.

Kutwula 15:17

Ivi wavaleeta kandi wavaviika ku kiguru chicho, ha vundu ha ivi, O, Yahova, umali kotovola kuva hango hoho, litembeli lia ivi mwene umali kwumbaka.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Isaya 63:18

Kunyi avandu vovo vatakatifu, kwavugula ahatakatifu hoho ku ing'inga ngekeeke, navuzwa avasigu viitu vaduvagira hasi Litembeli liilio.

Jeremia 26:18

“Lwa Hezekia yaali mwami wi Ivuyuda, muporofeti Mika wa Moreshezi yavolera avandu vosi ndi Yahova Wuvunyali amali kovora, ‘Ziyoni yaza ilimwi kuli mulimi, Jerusalemi neeve kuli kitumi cha mang'anye, kandi kiguru chi Litembeli nakigwi mulitu!’

Jeremia 39:8

Inyima wa yaga, avandu va Babiloni vasamba inyumba yu vwami kandi zinyumba zia avandu ma nivaasambula amadigi gi lidaala linene lia Jerusalemi.

Jeremia 51:51

Munyi muvooraa, ‘Kunyi kumali konyegwa kandi kuvikwa mu zisoni; si koveeye ni liekonya liosi mba kigira avageni vamali kuvugura havundu hatakatifu mu Litembeli.’

Jeremia 52:13

Yasamba Litembeli, inyumba yu vwami, harara ni zinyumba ziosi zia avandu vanene mu Jerusalemi;

Lisyoma lya Jeremia 1:10

Avasigu vamali kuvanura ivindu viavo viosi viu vuguli ovonene. Valora zihiiri ni zingiraa mu Litembeli; avandu va Yahova yagaya vavuli kwingira mu Litembeli lilie.

Ezekieli 9:7

Nyasaye yavavolera, “Yonogonyi Litembeli; kandi muviiki miviri javakuzu mu migizi ja lio. Zi mutange miyinzi!” Kunangwa vatanga kwita vandu mu lidaala.

Mika 3:12

Kunangwa, kigira munyi, Ziyoni ilalimwa kuli umulimi, Jerusalemi lilava kitumi cha amang'anye na kiguru chi Litembeli kilagwa umulitu.

Luka 21:24

Avalala valakitwi nikivaavi, na avandi valagumirwa kuli avahambe nukuhirwa muvivala viosi. Lidaala linene lia Jerusalemi liladuvagwa na Avandu vizihiiri avatamanyi Nyasaye kuduuka lwi zing'inga ziavo ziliduukizwa.

Likunula 11:2

Navuzwa oleke kubima umugizi gwi Litembeli. Kigira yigu goheveywi avandu vi zihiiri, yava valaduvaga lidaala litakatifu ku lwi mieli arubaini na mbiri.