Zaburi 78:6 - KITABU KITAKATIFU

⁶ kunangwa likula lilonda ku liduuki kwiga amalago yago, kandi navo vaduuki kwigiza avana vaavo.

Zaburi 78:6 ပူးပေါင်းရင်းမြစ်များ

Esther 9:28

Gaavitizwa ndi, vuli mundu winyumba yu Muyuda va makura ga madiku gaazaa mu vuli kivala, kandi mu vuli lidaala linene mu vwamihi vwa Ahasuero kuduuka vizulizi nukulinda madiku ga Purimu kung'inga yoosi iyiizaa.

Zaburi 102:18

Ong'odere amakura gaaza cha Yahova amali kokora kunangwa avandu vakikiri kwivulwa valakamwizominye.

Zaburi 145:4

Miyinzi jijo jilizominywa kutura ku likula kuduuka ku likula, valalandiza vikolwa vivio vinene.

Zaburi 22:31

Avandu vakikiri kwivulwa valavolerwa; “Yahova yahonyia avandu veve.”

Zaburi 48:13

Heenzi vulahi ku madigi galio, kandi muhenzerizi zimbinga zialio, kunangwa muladuuki kovoolera likula lizaa ndi:

Zaburi 71:18

O, Nyasaye, kalunu lwa mbeeye musakulu, niliisu liange liveeye zimbuzi utaandeka mba! Ove harara ninzi lwa nandizaa amakuva gi zinguru kandi guvunyali vuvwo, ku makura goosi gaaza.

Zaburi 90:16

Leka kunyi avatumikiri vovo kolole vikolwa vivio vinene. Leka visukululwi viitu valore zinguru zizio ziu vukumi.

Kutwula 10:2

kandi munyi muladuuki kovoolera avana vinyu kandi visukululwi vienyu kuli ndakora vandu va Egebeti kololeka avasiru ulwandaakola vilolekizu hagati haavo. Na munyi mwosi mulamanya inzi mbeeye Yahova.”

Joeli 1:3

Muvoolere ku avana vinyu ageene yago; navo navavoolere avana vaavo, navo navavoolere likula lizaa.

Kwidzulitsa 4:10

kigira lidiku lia mwasingira imbiri wa Yahova Nyasaye winyu ku kiguru cha Sinai, lwa Yahova yambolera, ‘Vuganyia avandu. Nyenya vahuliri makuva ga nyenya mbore, kunangwa vaduuki kwiga kumbulira madiku goosi aga vaveeye mwoyo kandi kunangwa navo valiegizi avana vaavo kokora malala meere.’