Zaburi 78:58 - KITABU KITAKATIFU

⁵⁸ Vaavihiliriza Nyasaye nuvwaali vwavo vwu kusigamira misambwa, kandi vamukendekiza nivifananyi viavazwa viavo.

Zaburi 78:58 ပူးပေါင်းရင်းမြစ်များ

1 Avami 11:10

Kali Yahova ni yaali niyagaya Solomoni avuli kolonda vanyasaye vandi, siyagumira lilaga lia Yahova mba.

1 Avami 11:7

Ku kiguru, Ivugwi wa Jerusalemi, yumbaka havundu hukusigamira Kemoshi, umunyasaye, wukuvihiliriza wa Moabu, kandi havundu hukusigamira Moleki, umunyasaye wukuvihiliriza wa Amoni.

1 Avami 12:31

Jeroboamu yumbaka kandi havundu hukusigamira kuzindongozi zie vigulu, kandi yatovola vasaalisi kutura mu zinyumba zitaveeye zie ihiiri ya Levi.

2 Avami 17:9

Visiraeli vakora ivindu mu vuvisi ligali iviavula kuva vilungi ku Yahova Nyasaye wavo. Vumbaka havundu hu kusigamira misambwa mu madaala goosi, kutura ku lidaala likekeeke kuduuka ku lidaala linene kuvita goosi.

2 Avami 21:7

Yavika kifananyi chu munyasaye wi kikali Ashera mu Litembeli, ahimbi na ha vundu ha Yahova yaali navoleeye Daudi kandi muyaayi weve, Solomoni: “Hano mu Jerusalemi, mu Litembeli yili, halava havundu hamali kotovola kutura mu kivala choosi chi zihiiri komi na mbiri zia Isiraeli kuli havundu hanyala kusigamirwa.

2 Kyetsinyinga 21:11

Kuvita yaga, yumbaka havundu hukusigamira misambwa mu vigulu vie Ivuyuda, kandi niyimilira avandu vi Ivuyuda na Jerusalemi kokora uvwoni imbiri wa Yahova.

Zaburi 79:5

O, Yahova, ivi ulakusinyikira kuduuka mihiga ni mihiga? Uvutima vuvwo vulazizagilira kwaduka kuli muliru?

Zaburi 97:7

Sa mulala usigamiraa vifananyi avikiywi mu zisoni; avanyasaye vosi viinama imbiri wa Yahova.

Kutwula 34:14

“Mutasigamiri umunyasaye wundi mba kigira Inzi, Yahova, mbeeye Nyasaye wokokendeka.

Jeremia 8:19

Muhulirizi! Mbulira avandu vange nivalira mukivala choosi: “Yahova yatura mu Ziyoni? Mwami wa Ziyoni yatura yo kandi naye?” Yahova, mwami wavo yativura, “Kigira ki mwakora inzi kuva nu vutima ku lisigamira vifananyi viinyu! Kandi linamira avanyasaye vinyu avageni avataveeye kindu?”

Hosea 13:2

Avandu yava vazizagilira kokora uvwoni, valomba vifananyi vie ifeza nu kuvisigamira. Vifananyi yivi vialombwa na vandu vaveeye avasiza. Vavoola ndi, “Muhaane visiuviliru ku vifananyi yivi!” Avasaza vavusavusaa vifananyi vie vimoli.

Kyavalevi 26:30

Ndononyia havundu hinyu hukusigamira ku vigulu, ndasambura uvwali vwinyu vwi kimuli kandi ndasiuva miviri jinyu mikuzu ku vifananyi vienyu viagwa. Mulivihilirwa liange linene.

Livalidza 33:52

gamuduukira mukungi avandu vosi vamenyi mu kivala yicho. Mwononyie magina gaavo, gi vifananyi viu mugasa kandi havundu haavo hoosi hu kusigamira misambwa.

1 Vakorintho 10:22

Anoho ilienya lietu liveeye ndi kokole mwami akendeke, kunyi si koveeye ni zinguru kumuvita mba.

Kwidzulitsa 12:2

Gamudukira ligali havundu hoosi ha avandu vi zihiiri zindi vaasigamira avanyasaye vaavo ku vigulu vitambi, nokutugulu kandi isi wi misaala mivisi.

Kwidzulitsa 12:4

“Mutasigamiri Yahova Nyasaye winyu kuli avandu yava vasigamira avanyasaye vaavo mba.

Kwidzulitsa 27:15

“ ‘Alaamwe mundu olomba kifananyi chavazwa anoho kutulwa, ikindu keveeye chu kuvihiliriza ku Yahova, miyinzi ja makono gu musiza, na akisingirizi muvwivisu, akisigamiri’ “Kandi avandu vosi valavoora, ‘Amini!’

Kwidzulitsa 32:21

Harara nifananyi viavo, vamali kongola mbe nu vutima, vamali kungola kokendekela vanyasaye vaavo vanyasaye vataveeye vagiligali kunangwa, ndatumikira ihiiri kuvakola vave nu vutima, Ndavakora vandekele ihiiri yavandu vasiru.

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.

Vakalagi 2:17

Navuzwa vandu va Isiraeli sivahulira vakalagi vaavo mba. Sivali vasuuvirifu ku Yahova mba navuzwa vaasigamira vanyasaye vandi. Avaguuga vaavo valonda amalago ga yahova, navuzwa ilikula lihia liivilira kolola ndio.

Vakalagi 2:20

Kunangwa Yahova yaali nu vutima ovonene na vandu va Isiraeli, nokovoora, “Avandu yava imali kuvunanyia lilagana liange lia ndaalaga vaguuga vaavo. Kigira vavuli kumbulira aga Inzi,

Vakalagi 3:19

Navuzwa Ehudi mwene yaagilung'anira ha magina gavazwa himbi ha Giligali, niyiirana ku Egiloni, navoora, “Umwami, mbeeye na makuva googo gimbisu.” Kunangwa mwami yavolera avalindi veve vatuli mu. Avatumikiri veve vosi vaatura ni vazia ichova.