Zaburi 78:55 - KITABU KITAKATIFU

⁵⁵ Yakunga zihiiri ziamenyaa mu imbiri wavo; yagavulira zihiiri zia Isiraeli kivala yicho keve miandu javo, kandi na haanaa zinyumba ziavo ku vandu veve Isiraeli vamenye mu.

Zaburi 78:55 ပူးပေါင်းရင်းမြစ်များ

Zaburi 44:2

Wakunga zihiiri ni zinguru ziu mukono gugwo. Maku wavika avandu vovo mu kivala chavo; kandi wahaana amageri ku zihiiri zindi kandi wahaana ku vandu vovo linyola lie miandu minyingi.

Zaburi 44:3

Avandu vovo sivagutaa kivala yiki ni kivavi chavo mba, sivagutaa ni zinguru zia makono gaavo, mba, navuzwa vaguuta ni zinguru ziu mukono gugwo mulungi, kandi wavasuuviriza kuva navo kazozo kigira wa vayaanza.

Isaya 34:17

Ni Yahova mwene uligavula kivala hagati ha vandu veve, kandi vuli mundu alakanyoole kedonye chiche. Valakamenya mu kivala yiki kutura ku likula kuduuka kulikula lindi na kilakave chavo mihiga ni mihiga.

Livalidza 33:54

mugavulanyi kivala yiki hagati hi zihiiri mu viliango lugano lugano mulikuba zikuura; muhaane kedonye kenene chi miandu ji kivala ku kiliango kenene kandi kedonye kekekeeke ku kiliango kekekeeke.

Joshua 13:7

Kunangwa kalunu ugavuli kivala yiki hagati hi zihiiri zindi tisa kandi inusu yi ihiiri ya Manase, kiduuki kuva miandu jaavo.”

Joshua 19:51

Musaalisi Elieza, Joshua muyaayi wa Nuni, na aviimiliri va vandu vi zihiiri zia Isiraeli vagavulana vidonye vie kivala yiki ku likuba ikura koteeva Yahova ha Shilo, ha vwingiliru vwi Lihema liukuvuganira mu na Yahova. Munzira yiyi, vamala ligavula kivala.

Joshua 21:43

Kunangwa Yahova yahaana ku vandu va Isiraeli kivala choosi cha yaali niyasuuviriza avaguuga vaavo ku chisuuhu ndi alavaha. Lwa vaali nivakavugula kivala yicho vamenya mu.

Joshua 23:4

Mali kuhaana ku zihiiri zienyu kivala choosi kuva miandu kutura ku mugera gwa Jorodani kolovega lwi Ivugwi kuduuka kunyanza nene ya Meditareniani kolovega lwi Imadioli. Kivala chi zihiiri ziosi icha mumali kuguuta mu vwimiliri vwange, kandi cha kukikiri kuguuta.