Zaburi 78:24 - KITABU KITAKATIFU

²⁴ Yavaha uvuswage kutura mwigulu, kandi natuma imaana kuli imbura vaduuki kulia.

Zaburi 78:24 ပူးပေါင်းရင်းမြစ်များ

Nehemia 9:15

“Lwa vaali ninzara, wavaha mugadi kutura mwigulu, na lwa vaali nuvuluhu, wavaha amazi kutura ku lwanda. Ivi wavavolera vavuguli kivala icha waali nuwavasuuviriza ndi ulavaha.

Nehemia 9:20

Muvuyaanzi vwuvwo vulahi wavavolera agadukanaa vakole; Ivi wavaha imaana valie kandi wavaha amazi vanwi.

Zaburi 105:40

Vateva inyama naye yavaletera zisindu. Yavaha migadi kutura mwigulu niviguta.

Zaburi 68:9

Ivi waakubiza imbura inyingi, kandi nuwiranyia viamo ku kivala ichaali nichuma kigira mbasu.

Kutwula 16:14

Lwi lime liali niliakakamuluka, haali ho nikindu keng'erere kuli mugadi muhuhu ku changalangwi.

Kutwula 16:4

Yahova yavolera Musa, “Henza, kalunu nziza kumuletera viukulia kutura mwigulu kuli imbura. Avandu kuduuka vatuli ichova vuli lidiku kuvungiza viukulia viduukana nilidiku yilio. Mu liiva yili ndavageriza ndore niiva valalonda amalago gange.

1 Vakorintho 10:3

Vosi valia chukulia kilala chere cha roho,

Kwidzulitsa 29:5

Ku mihiga arubaini, Yahova yamwimilira kuvitira mu changalangwe, kandi zinguvu zienyu nivilatu vienyu siviatanduka mba.

Kwidzulitsa 8:3

Yamukola muve ninzara, ma kandi naamuliihiza imaana, chukulia cha munyi anoho avaguuga vinyu, vavura kulia ku maziambiri. Yakola yaga kumwigiza ndi mundu sianyala kuva mwoyo kigira chukulia chieng'ine mba, navuzwa ku likuva lilala litulaa ku Yahova.