Zaburi 78:22 - KITABU KITAKATIFU

²² kigira sivali nilisuvira muye mba kandi sivasuuvira ndi alavahonyia ligali mba.

Zaburi 78:22 ပူးပေါင်းရင်းမြစ်များ

2 Avami 17:14

Navuzwa sivali vanyara kulihulira mba; vaali ava magoti madinyu kuli vaguuga vaavo, avavura kusuuvira Yahova, Nyasaye wavo.

Zaburi 106:24

Maku vasuura kivala kilahi, kigira sivasuuvira mu lisuuvirizwa lia Nyasaye mba.

Isaya 7:9

Kivala cha Isiraeli sikeveeye ni zinguru kuvita Samaria, lidaala linene liacho mba, kandi Samaria siliveeye nizinguru kuvita mwami Peka mba. “Niiva ulavula kusuuvira, ulaguutwa.”

Zefania 3:2

Siliahuliriza Yahova anoho kuvugilira konyoora mageri mba. Si liasuuvira Yahova anoho koteeva vokonyi kutura kuye mba.

Kwidzulitsa 1:32

Navuzwa kali niiva ndavoora yaga goosi, simwali munyala kusuuvira Yahova mba,

Vahebraina 11:6

Vugira lisuuvira, mundu sianyala kuyaanziza Nyasaye mba. Ku vosi uzaa ku Nyasaye gamudukira ave nilisuvira ndi Nyasaye aveeye ho kandi niyie muhaani wa madanyi ku yavo avamwenyaa.

Vahebraina 3:12

Muhenze vulahi, vamiitu vange, gase mwoyo mudamanu ligali kandi gwilivula kusuuvira kuli yigwo gulava mu mulala ku munyi, gwakajira yagirung'ana nokoleka Nyasaye oveeye mwoyo.

1 Yohana 5:10

Mundu woosi usuviraa mu mwana wa Nyasaye aveeye ni lilolekiza yili mu mwoyo gwigwe. Mundu utasuviraa Nyasaye umali kumukola muvehi, kigira si yasuuvira lilolekiza lia Nyasaye amali kuhaana ku umwana weve mba.

Yudasi 1:5

Kigira kali niiva mwamanya yaga goosi, nyenya kumwizuliza kuli Mwami yahonyia avandu veve Isiraeli avaatura mu kivala cha Egebeti, navuzwa lwa inyima naadiviza yavo avavura kusuuvira.