Zaburi 77:2 - KITABU KITAKATIFU

² Inzi saalaa ku Yahova mu ing'inga yu vudinyu vwange; ng'ingaa amakono gange igulu ku Nyasaye uvudiku vwosi vugira kuluha, navuzwa sinyoolaa lileminywa mwoyo nu mundu wundi woosi mba.

Zaburi 77:2 ပူးပေါင်းရင်းမြစ်များ

Litanga 32:28

Mundu uyu yavoola, “Kutura kalunu lieta liilio si ulalangwa Yakobo mba, navuzwa ulalangwa ‘Isiraeli’ kigira ivi umali kulwaana na Nyasaye kandi na vandu, na umali kuguuta.”

Litanga 37:35

Vayaayi vosi na vakana veve vaza kumuleminya mwoyo, navuzwa yasura koleminywa mwoyo. Yavoola, “Inzi ndakazie hasi mukivala chavakuzu ningisioma muyaayi wange.” Kunangwa yaazizagilira kusioma muyaayi weve Josefu.

2 Kyetsinyinga 6:28

“Lwi inzala eveeye ho mu kivala anoho vulwaye vudamanu, anoho kemeyu ni vitagwa viononywa, anoho zisigi anoho lwa vasigu vakumberiza avandu vovo, kinga lwa haveeye ho nu vulwaye anoho ulukuzu ku vandu vovo,

Ayubu 11:13

Ayubu, nuuva nuwiganira mu mwoyo gugwo, ulanyiira makono googo ku Nyasaye.

Zaburi 18:6

Ndaanira Yahova mu vudinyu vwange, ndaalira ku Nyasaye wange yangonye. Yahulira mwoyo gwange mu Litembeli lilie; yahuliriza ku lilira liange kigira ovokonyi.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 55:17

Nzanira ku Yahova vuli mugambazuri, mbasu hagati kandi vudiku, lielilira liange liaduuka kuye naye alahulira.

Zaburi 63:6

Lwa ng'onaa mu kidali change, nzizulizaa ivi; ng'anaganaa ivi uvudiku vwosi,

Zaburi 86:7

Nzanira ivi mu ing'inga yu vudinyu; kigira undivuliraa lisaala liange.

Tsing'ano 18:14

Mwoyo gwumundu gwikuziraa kuvulwaye, navuzwa nivwaha unyala kwikuzira ku vudinyu vwumwoyo gumali kuvunika?

Isaya 26:16

O, Yahova, oheeye avandu vovo mageri, na mu vuzunu vwavo vululu, vasaala ku ivi.

Isaya 26:9

Ngwegomba nu mwoyo gwange gwosi uvudiku vwosi lwa ukalagiraa lirova harara na vandu valio, vosi valiiga uvulungi vuveeye ki.

Jeremia 31:15

Yahova avoora, “Mwoyo gwahulirika mu Rama, lihulirika lie lisioma linene ligali Raheli asiomeraa avana veve; vosi vamali kukuza, kandi asuuyi koleminywa mwoyo.

Hosea 5:13

“Lwa avandu va Isiraeli valora uvulwaye vwavo, kandi avandu vi Ivuyuda lwa valora zingwago ziavo, hene yaho, avandu va Isiraeli vazia Asiria koteeva ovokonyi kutura ku mwami munene. Navuzwa mwami munene oyo si yaali anyala kohonyia zingwago ziavo mba.

Hosea 6:1

Avandu vavoola, “Gendi kwirane ku Yahova! Umali kukusaliriza, navuzwa alakohonyia; umali kukwata zing'oma, navuzwa alavohelera zingwago zietu.

Yohana 11:31

Kunangwa, lwa Avayuda vaali munyumba harara na Maria nivamuleminya mwoyo, valora Maria nasingira nu kuzia ichova vwangu, na vaamulonda. Vaganagana ndi azizaa kulilira ha kilindwa

Vahebraina 5:7

Mu limenya lilie ku lirova, Yeso yahaana lisaala ni ligoonya kandi namaliga manyingi ku Nyasaye, waali unyala kumuhonyia kutura mu likuza. Nyasaye yamuhulira kigira yaali mugoosi kandi musuuvirifu.