Zaburi 77:19 - KITABU KITAKATIFU

¹⁹ Ivi wangenda kuvitira mu viguvuli via mazi; kandi wambuka luliva lwinyanza, navuzwa zinduvatiru zizio siziali zinyala kololekaa mba.

Zaburi 77:19 ပူးပေါင်းရင်းမြစ်များ

2 Samweli 22:8

Maku lirova liatenga nilidegera misinai ji ligulu jadengeya, kigira Nyasaye yaali nu vutima!

Nehemia 9:11

Ivi walombera avandu vovo inzira yu kuvitira ku mu inyanza hagati, kandi wavimilira kuvitira ku marova amuumu. Yavo avavalondelera vaahirwa mu luliva lwa mazi, kuli ligina lieyinaa mu inyanza enene yiviguvuli.

Ayubu 23:14

Nyasaye alatwekiza agaamali kondovolera; kandi lilohiza yili liveeye lilala ku manyingi aga aveeye nago.

Ayubu 36:29

Siaveeye ho nu mundu kali mulala umanyi kuli malesi gagendaa, anoho kuli inguba ihiriganaa, kuvitira mu vwerefu, uwa Nyasaye amenyaa.

Zaburi 104:32

Yahova ahenzaa ku lirova ma lidegera, kandi adiira ku vigulu ma vigulu vivuya umwochi,

Zaburi 29:10

Yahova yamiha ku mazi gululiva, yamiha kuli mwami mihiga ni mihiga.

Zaburi 97:2

Malesi nikisundi kenene vimukumbirizaa; yamiha nuvulungi kandi ni likalaga liuvulungi.

Zaburi 97:4

Loheni lwilwe lwakizaa lirova liosi; lirova lilolaa ma lidegera.

Kutwula 14:28

Amazi girana nigakunika amagare gu vulwani, navahili vi zibarasi harara niliihi liosi lia vandu va Egebeti iliali nililondeleye avandu va Isiraeli munyanza; kali mulala kuvo siyatigala mba.

Kutwula 19:18

Kiguru cha Sinai choosi chizula umwochi, kigira Yahova yaali niyiiki hasi ku cho mu muliru. Mwochi gwaazia igulu kuli mwochi gwi kisambiru kenene, na avandu vosi vaadegera ligali.

Habakuk 3:15

Munyi mwaduvaga inyanza ni zibarasi zienyu, kandi ziakola mazi gi zinguru gatuliza lufulu.

Varumi 11:33

O, Vutugi, vogeri, kandi vutugi vwa Nyasaye, voveeye vonene ligali. Oh vogeri vwivwe kandi limanya lilie linyingi, liveeye linene ligali. Aa nivwaha unyala kwivaala likalaga lilie! Nivwaha unyala kumanyiriza zinzira zizie!