Zaburi 76:6 - KITABU KITAKATIFU

⁶ O, Nyasaye wa Yakobo, lwa wavatiihiza zibarasi na vahiri vazio vaagwa hasi nivakuza.

Zaburi 76:6 ပူးပေါင်းရင်းမြစ်များ

2 Samweli 10:18

Avandu va Isiraeli vakunga liihi lia vandu va Siria nivaviiranyia inyima. Daudi harara na avandu veve vita avasaza vukuhila amagare gu vulwani ga vandu va Siria zimia saba, kandi avasaza zielefu arubaini avaniina ku zibarasi. Vaatoza Shobuki, munene wi liihi liu musigu, ma nakuzira yo mu kiguti chu vulwani.

2 Avami 19:35

Vudiku vwene yivwo, engelosi wa Yahova yazia hokososera ha vandu va Siria ni yita avasikari 185,000. Na lwa vandu vavuuka mugambazuri mumavwevwe, lidiku lialonda ku, henza, avandu yava vosi vaali ni vakuzi!

2 Kyetsinyinga 32:21

Yahova yatuma engelosi iyiita avasikari vosi na vanene vi iliihi lia Asiria kali na vanene vu mwami. Kunangwa mwami Senakeribu yirana Asiria mu zisoni zinyingi. Lidiku lilala lwa yazia mu litembeli liu munyasaye weve, valala ku vayaayi veve vamwita nivivavi viavo.

Zaburi 104:7

Lwa ogondokera amazi gaamanya gasalana; lwa gahulira mwoyo gwi ligondoka lilio, gasarana ligali ma gaazia ihale.

Zaburi 18:15

O, Yahova, ivi wakola luliva lwi inyanza kwuma, kandi imise ji lirova jakunulwa lwa wagondokera avasigu vovo, nufuumira mu vutima vuvwo vululu.

Zaburi 80:16

Avasigu viitu vamali kwononyia kizabibu, kandi vahambizi muliru kucho; nokoketemaga ligali haana amageri kuvo, kandi uvadivizi ligali.

Kutwula 15:1

Maku Musa na avandu va Isiraeli vimbira Yahova ulwimbu yilu: “Ndimbira Yahova, kigira umali kuguuta liguuta liu vukumi: Umali kusiuva zibarasi harara navahili vazio munyanza.

Kutwula 15:10

Navuzwa mwika mulala kutura ku ivi Yahova, na vandu va Egebeti vakunikwa na amazi; viiyina kuli lisasi mu amazi manene gukutihiza.

Kutwula 15:21

Miriamu yaavimbira: “Mwimbiri Yahova, kigira uguuti liguuta liu uvukumi; umali kusiuva zibarasi harara na vahiri vazio munyanza.”

Isaya 37:36

Engelosi ya Yahova yazia hokososa ha vandu va Asiria ma ni yita avasikari 185,000. Mugambazuri lidiku lialonda ku, vosi vaali avakuzu.

Jeremia 51:39

Lwavava ni vaveeye ni nzara, ndavalombera lilia, kandi ndavakora valie kandi vanwi ni vasaangala. Valagona na sivalavuka kandi mba.

Jeremia 51:57

Ndakora avanene vaavo kandi avasaza vovogeri, avamihi vaavo kandi aviimiliri vaavo, na avasikari vaavo vahambiki. Valazia kogona na si valavuka kandi mba. Inzi, mwami, Yahova Wuvunyali, mali kovora.

Ezekieli 39:20

Komesa yange, zilakalie zinyama zie zibarasi harara na vahiri vazio, avasikari kandi vasaza vuvulwani. Inzi Yahova Wuvunyali mali kovora.”

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Nahum 2:13

Yahova Wuvunyali avoora, “Inzi mbeeye musigu winyu! Ndakasambe magare ginyu gu vulwani. Avasikari vinyu valakitirwi mu vulwani, kandi ndakavuguli vuli kindu choosi cha mwavugula kutura ku vasigu vinyu. Lienya lia vatumwa vinyu sililakahuliriki kandi mba.”

Nahum 3:18

Avami va Asiria, avamihi vinyu vamali kukuza, kandi avatumikiri vinyu vamali kukuza mihiga ni mihiga! Avandu vinyu vasalanyiywi ku vigulu. Siaveeyeho nu mundu unyala kuvavungiza kandi mba.

Zekaria 12:4

Ing'inga yeyo ndakakole zibarasi vaavo ziosi kuva nuvuti kandi ndakakole vahiri vazio vosi kuva valalu. Ndakalindi avandu vosi vi Ivuyuda, navuzwa ndakavakulizi zibarasi zia vasigu vaavo.

1 Samweli 26:12

Kunangwa Daudi yavugula litimu kandi kimuga cha mazi kutura hamutwi gwa Saolo, kandi oyo na Abishai vaatulaho. Sihaali ho nuwavalola yaga anoho uwamanya chekoleka, anoho kali kuvuuka mba. Vosi vaali nivagonaa zindolo zinditu, kigira Yahova yaali natumi zindolo zia maveere kuvo vosi.