Zaburi 75:7 - KITABU KITAKATIFU

⁷ Navuzwa Nyasaye mwene niyie oveeye mukalagi; Agehizaa zinguru zia valala, kandi anenehiza zinguru zia avandi.

Zaburi 75:7 ပူးပေါင်းရင်းမြစ်များ

2 Samweli 5:2

Ku maziambiri, lwa Saolo yaali nakikiri mwami wiitu, ivi wimilira avandu va Isiraeli kuzia muvulwani, kandi Yahova yakusuuviriza ndi ivi ulimilira avandu veve na ulava mwami wavo.”

2 Samweli 6:21

Daudi yativulira Mikali, “Inzi mbini ukuhaana uluyali ku Yahova, uwaandovolo muvogono vwa baba woovo harara na vandu avinyumba yeeye okongola mbe mwimiliri wa avandu veve Isiraeli. Ndazizagilira kandi kuvina ukuhaana luyali ku Yahova,

Zaburi 147:6

Yahova anenehiza avahocha, navuzwa aduvulanyiraa avadamanu hasi.

Zaburi 50:6

Ligulu liosi limanya ndi, Nyasaye aveeye mulungi, kandi niye umwene ukalagiraa avandu veve.

Zaburi 58:11

Avandu valavoora, “Ligali avalungi valaheevwa madanyi; ligali aveeye ho Nyasaye ukalagiraa lirova.”

Danyeli 2:37

O, mwami wiitu, cha ivi oveeye mwami munene ku vami vosi. Nyasaye wu mwigulu yakokola mwami kandi yakuha zinguru Zinene, vunyali kandi luyali.

Danyeli 5:18

“O, Mwami, Nyasaye Wuvunyali yakola Nebukadineza baba woovo mwami munene naamuha vukumi.

Luka 1:52

Waguluyi avami vizingulu kutura ku zindeve ziavo ziu vwami; navuzwa onenehizi avakeekeke.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.

Vagalatia 1:15

Navuzwa zimbavasi zia Nyasaye zizie, yandovola kali ningikiri kwivulwa, kandi yananga kuvitira mu zimbavasi zizie nduuki kumutumikira. Kandi lwa yatovola

1 Samweli 15:23

Uvwibaali kuye voveeye uvudamanu kuli ovologi kandi kizalo keveeye kuli uvwoni uvwu kusigamira misambwa. Kigira wasuula lilago lia Yahova, naye umali kusuura ivi kuli mwami.”

1 Samweli 15:28

Samweli yamuvolera, “Yahova umali kutandura uvwami vwa Isiraeli kutura ku ivi kalunu na uvuhaani ku wundi oveeye mulahi ligali kuvita ivi.

1 Samweli 16:1

Yahova yavolera Samweli, “Ulasiomera Saolo kuduuka ng'inga ki? Inzi mali kumusuura kuli mwami wa Isiraeli. Navuzwa kalunu vugula maguta ga Muzeituni na uzie Bezelehemu, ho mundu ulangwa Jese, kigira mali kotovola mulala ku vayaayi veve kuva mwami.”