Zaburi 74:13 - KITABU KITAKATIFU

¹³ Ivi waavukanyia inyanza kuzinguru zizio zinene; wasionolanyia imitwi ji miyoka minene ju mu inyanza.

Zaburi 74:13 ပူးပေါင်းရင်းမြစ်များ

Nehemia 9:11

Ivi walombera avandu vovo inzira yu kuvitira ku mu inyanza hagati, kandi wavimilira kuvitira ku marova amuumu. Yavo avavalondelera vaahirwa mu luliva lwa mazi, kuli ligina lieyinaa mu inyanza enene yiviguvuli.

Zaburi 66:6

Nyasaye yagilung'anyia inyanza nigwa kivala chumu, na avaguuga viitu vaambuka mugera ku virenge. Hene yaho kwasangala kigira ku goosi aga yakola.

Zaburi 78:13

Yavukanyia inyanza kandi naavavitizira hagati hayo; yalomba amazi gasingiri vulungi kuli madigi.

Kutwula 14:21

Musa yanyira mukono gwigwe kunyanza, kandi Yahova yakola inyanza niyiirana inyima harara ni imbuza enene yikivihiri kutura Ivugwi. Yahuuza uvudiku vwosi ma nigirung'anyia inyanza kugwa lirova liumu. Amazi gavukana,

Kutwula 14:28

Amazi girana nigakunika amagare gu vulwani, navahili vi zibarasi harara niliihi liosi lia vandu va Egebeti iliali nililondeleye avandu va Isiraeli munyanza; kali mulala kuvo siyatigala mba.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Ezekieli 32:2

Yavoola, “Mwana wu Mundu, uhaane lieganihiza ku mwami wa Egebeti. Umuvolere makuva yaga: Ivi wekolaa kuva kuli isimba hagati hizihiiri, navuzwa oveeye kuli ingwina yuhulanyia mazi mu mugera. Uduvulaa mazi ni virenge vivio kandi okolaa migera kugwa ovodohi.