Zaburi 73:3 - KITABU KITAKATIFU

³ lisuuvirizwa liange liali ahimbi kogota, kigira ndaali ni likendeka ku avigingiri lwa ndaalora lizizagilira lilahi lia avandu vadamanu.

Zaburi 73:3 ပူးပေါင်းရင်းမြစ်များ

Ayubu 12:6

Avanuuli vaveeye nu murembe, kandi avavihirizaa Nyasaye, vaveeye mu vulindi vulahi kandi mu mirembe, nyasaye wavo ni zinguru ziavo.

Ayubu 17:8

Yavo avaganaganaa vaveeye avasuuvirifu, vaveeye ni ligenya, kandi vangalagira kuli utaatia Nyasaye.

Ayubu 21:7

Kigira ki avandu vachamu vamenya, vaduuka kuva avasaakulu nokomedeka kuva nizinguru?

Ayubu 24:23

Nyasaye anyala kuvaleka vamenye mu mirembe, navuzwaa vahenzeriza ligali kazozo.

Zaburi 10:5

Umudamanu agasizwa mu viosi via akola sianyala kumanyiriza likalaga lia Nyasaye mba, kandi alegeliza avasigu veve.

Zaburi 37:1

Utahenda mwoyo kigira yavo avakolaa uvudamanu mba; anoho utakendekera yavo avakolaa uvudamanu mba.

Zaburi 37:7

Wikuziri kandi usuuviri Yahova, utahenda mwoyo kigira yavo avaveeye ni linyola mu zinzira ziavo mba, anoho yavo avanyoora kigira lilohiza lie zing'anagani ziavo zindamanu mba.

Tsing'ano 23:17

Utava ni likayirwa ku vandu avoni mba, navuzwa uzizagiliri kutia Yahova madiku goosi.

Tsing'ano 24:1

Utakayirwa vandu vadamanu mba, kandi utageriza kuhambana navo mba.

Tsing'ano 3:31

Utava ne mbodoka na vandu vikirage anoho kokora kuli yavo mba.

Kohelethu 7:15

Limenya liange liveeye lia vuzwa, navuzwa mali kolola vindu viosi. Koveeye ho nu mundu mulungi ukuza mu vulungi vwivwe kandi koveeye ho nu mundu muchamu omenya madiku manyingi nokokola vindu vidamanu.

Jeremia 12:1

“O, Yahova, ivi oveeye mukalagi mulungi kazozo lwa ndeta amakuva gange imbiri woovo. Nitali kuduuka ndeve ivi ivindu kigira uvulungi. Kigira ki avandu vachamu vagasizwa? Kigira ki avandu vataveeye vasuuvirifu vaguuta?

Malaki 3:15

Kuli kololaa, vandu vaveeye ni lielola nivo vaveeye nu vugasu. Avandu vadamanu sivanyoola vuzwa vutugi mba, navuzwa vageriza liekuzira lia Nyasaye mu vikolwa viavo vidamanu ma vahononoka.’ ”

Yakobo 4:5

Muganaganaa agiligali sigaveeye mu Mang'oda Matakatifu gavoora ndi, “Roho wa Nyasaye yavika amenye mu kunyi, yizuuyi likayirwa lilulu.”