Zaburi 73:28 - KITABU KITAKATIFU

²⁸ Navuzwa ku inzi vuveeye vulahi ligali kuva ahimbi ku Nyasaye; konyoora likingwa ku Yahova Nyasaye Wuvunyali nukulandiza ndavoora vindu viosi viokogenyia viamali kokora.

Zaburi 73:28 ပူးပေါင်းရင်းမြစ်များ

Zaburi 107:22

Kuduuka vamusandizi ni visiuviliru, kandi vamusandize ni zinyimbu ziu vusangali. Kigira vindu vivie viokogenyia via yavakolera.

Zaburi 116:7

Ove nilielemeriza mu mwoyo gwange; kigira Yahova umali kongolera malahi ligali.

Zaburi 118:17

Inzi si ndakuza mba, navuzwa ndava mwoyo, kandi ndalandiza vikolwa viokogenyia via Yahova amali kokora.

Zaburi 14:6

Avandu vadamanu vononyiaa lilohiza lia vadaka, navuzwa Yahova aveeye likingwa liavo.

Zaburi 40:5

O, Yahova Nyasaye wiitu, Ivi wamala kongolera vindu viokogenyia vinyingi; sihaveeyeho nu mulala kuli ivi mba! Viveeye vinyingi ligali ivitanyala kuvalizwa.

Zaburi 65:4

Vaveeye nuvugasu yavo avaotovolanga, nukuvaleeta vaduuki komenya ahatakatifu hoho. Kunyi kulakigutizwi ni vindu vilahi iviveeye munyumba yooyo, uvugasu vwi Litembeli liilio litakatifu.

Zaburi 66:16

Avandu vosi avasigamiraa Nyasaye, hambi muhuliri, na inzi ndamuvolera goosi aga amali kongolera.

Zaburi 71:15

Inzi ndavolera avandu amakuva gi vindu vilahi via ivi umali kokora. Ndalandiza amakuva gi vikolwa vivio vio vohonyi lidiku liosi, Kali niviva niviveeye vinyingi ligali kuvita limanya liange. O, Yahova Wuvunyali, inzi ndaaza nukulandiza vikolwa vivio viezingulu.

Zaburi 71:17

O, Nyasaye, ivi wamala kunzigiza vikolwa viokogenyia kutura lwa ndaali mwana, kandi ngizizagiliraa kulandiza makuva gi vikolwa vivio viokogenyia.

Zaburi 71:24

Inzi ndavoora amakuva gu vulungi vuvwo lidiku liosi, kigira yavo avagerizaa kusaliriza, vaguutiywi kandi vaaleganyiywi.

Zaburi 84:10

Kuva mu Litembeli liilio ku lidiku lilala, voveeye vulahi ligali kuvita kuva havundu handi madiku elefu indala, vwakaveeye vulahi inzi kuva mulindi ha kirivwa chi Litembeli lia Nyasaye wange, ukuvita komenya mu zinyumba zia vandu vachamu.

Yakobo 4:8

Mwisuundi ahimbi ku Nyasaye naye alisuunda ahimbi ku munyi. Mwiganili munyi avoni; mutakase mioyo jinyu, munyi avagadaa.

1 Petro 3:18

Kristo mwene yakuza lulala kigira uvwoni vwinyu naveeye umundu mulungi muvogono vwa voni, aduuki koleta munyi ku Nyasaye. Umuviri gwigwe gwitwa, navuzwa yakolwa mwoyo mu Roho,

1 Samweli 14:36

Saolo yavolera avasaza vi liihi lilie, “Gendi kusulunguti na kwingiliri vandu va Filisitia vudiku kandi kuvalaanye vindu viavo kuduuka mugambazuri na kuviiti vosi.” Vaativura, “Kola choosi cha uganagana kuva kilahi.” Navuzwa musaalisi yavoola, “Gendi koteeve Nyasaye kutanga.”