Zaburi 73:25 - KITABU KITAKATIFU

²⁵ Nivwaha wa inzi mbeeye naye mu ligulu nataveeye ivi? Lwa inzi mbeeye ni ivi, ni kinduki cha inzi nyenya ku lirova?

Zaburi 73:25 ပူးပေါင်းရင်းမြစ်များ

Zaburi 104:34

Leka muyaanzizi ni zing'anagani ziange, kigira lisaangala liange litulaa ku Yahova.

Zaburi 16:11

Ivi ulamanyia inzira yi livamwoyo. Lwa oveeye himbi ninzi nzizulaa uvusangari du. Kandi ombezaa uvuyanzi mihiga ni mihiga.

Zaburi 16:2

Mbolera Yahova, “Ivi oveeye Yahova wange; vindu viosi vilahi via mbeeye navio vituraa ku ivi.”

Zaburi 16:5

Ivi O, Yahova, niyie wambeeye naye weng'ine ombeezaa viosi via nyenya; livamwoyo liange lia madiku gaaza liveeye mu makono googo.

Zaburi 17:15

Navuzwa inzi ndakalole ivi kigira mbeeye mu vulungi. Lwa mbuukaa, ndiizura uvusangari kigira mali kolola ivi.

Zaburi 37:4

Wenyelerizi uvuyanzi vwa Yahova, naye alakuha viosi via wenya kutura kuye.

Zaburi 43:4

O, Nyasaye; maku ndanzia ku vwali vuvwo, O, Nyasaye; ivi oveeye uvutangiliru vwu vuyanzi vwange. Ndakuba uvukana vwange nukwimba zinyimbu ziukwizominya ivi, O, Yahova, Nyasaye wange.

Zaburi 63:3

Uvuyanzi vuvwo uvutali nekeheri voveeye uvulahi kuvita livamwoyo liene, nandio ndizominya ivi ligali.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Matayo 10:37

“Uyanzaa baba weve anoho mama weve kuvita inzi, siaduukanaa kuva mulondi wange mba. Uyu uyanzaa muyaayi weve anoho mukaana weve kuvita inzi, siaduukanaa kuva mulondi wange mba.

Matayo 5:8

“Vaveeye nuvugasu avaveeye ni mioyo milavu, kigira valalola Nyasaye.

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

1 Yohana 3:2

Avalina avayaanze vange, kalunu koveeye avana va Nyasaye, navuzwa gakiri kumanyikana havulavu kuli kunyi kuliiva. Navuzwa kumanya ndi lwa Kristo aliloleka kulakave kuliye, kigira kulakamulole kuli aveeye.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.