Zaburi 73:12 - KITABU KITAKATIFU

¹² Nindio avandu vachamu vaveeye; avaveeye mu lielemeriza kazozo, kandi vameedeka uvutugi vwavo vuli ing'inga.

Zaburi 73:12 ပူးပေါင်းရင်းမြစ်များ

Zaburi 17:14

Ombonyie, kutura ku yava avaveeye na viosi iviavenyaa mu livamwoyo yili. Uvahe mageri nuvusaliri vululu uvwuwavavikira leka avana vaavo vanyoore mageri gavaduukanaa, amagari gandi kandi gatigalili visukululwi viavo.

Zaburi 37:35

Ing'inga indala ndaamanya mundu mudamanu, wi kilage kandi mululu ligali, yagumala kuli mudaragwa gwa Lebanoni ugwali mu marova amagunamu.

Zaburi 49:6

avandu vadamanu avasuuviraa mu vutugi vwavo, vigingiraa kigira uvunyingi vwu vutugi vwavo.

Zaburi 52:7

“Heenzi mundu uyu si yenya kweleda ku Nyasaye amusoore mba, navuzwa yasuuvira mu vutugi vwivwe ovonene, kandi yenya uvuhaliru mu vutugi vwivwe.”

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Jeremia 5:17

Valononyia vitagwa vienyu kandi viukulia vienyu; valiita avayaayi na avakaana vinyu. Valasinza mitugu jinyu kandi valononyia mizabibu ni mikuyu jinyu. Liihi liavo liladiviza amadara ginyu gizimbinga agamwasuuvira.

Jeremia 5:28

kandi kigira vaveeye avakomeru ligali kandi avanifu. Si vaveeye nekeheri ku vikolwa viavo vidamanu mba. Sivahaana ku avavisandu agadukanaa navo mba, anoho si vamanyia likalaga lirungi ku avadambi mba.

Luka 16:19

“Yaali ho mundu mulala mutugi, uwiviika zinguvu ziu vuguli ligali zie kiforosadi zie rangi yu muzambarao, kandi zie katani indahi, kandi yamenya mu vusangali vwo kolomba lilia vuli lidiku.