Zaburi 72:7 - KITABU KITAKATIFU

⁷ Leka uvulungi vomeedeke mu ing'inga yi livamwoyo lilie kandi uvugasu vuhindiri lwu mweli gwakaa mihiga ni mihiga.

Zaburi 72:7 ပူးပေါင်းရင်းမြစ်များ

1 Avami 4:25

Ku lohono lwa yaali mwoyo kuli mwami, avandu muvivala viosi vie Ivuyuda na Isiraeli kutura Dani kuduuka Beerisheba vamenya mu mirembe; vuli vandu vinyumba vaali ni vizabibu kandi makuyu gaavo.

1 Avami 5:4

Navuzwa kalunu Yahova Nyasaye wange umali koleta mirembe ku zinzako ziange ziosi. Simbeeye na vasigu, kandi sihaveeye ho nuvuhimwa vwu kwingilirwa mba.

Zaburi 92:12

Avalungi valamedeka ni miandu kuli misaala ja makindu; valaviruka kuli misaala ji midaragwa ja Lebanoni.

Isaya 2:4

Yahova alaleeta mirembe hagati hi lihing'ana lie zihiiri zinene. Valatura vivavi viavo kuva amagembe, kandi amatimu gaavo kuva zingonono, zihiiri si zilazia kulwaana zihiiri zindi mba, anoho si ziligiza avandu vaavo uvulwani mba.

Isaya 60:1

Vuka ivi Jerusalemi, kandi ong'ereng'ane kuli liuva; uvukumi vwa Yahova vong'ereng'anaa ku ivi!

Isaya 60:22

Kali avandu vi zinyumba zienyu avaveeye avakeekeke kandi avaveeye avukwegehiza valava avanene kuli ihiiri yi zinguru. Lwa ing'inga indahi iduuka, ndakora yaga gekoleke vwangu ligali. Inzimbeeye Yahova!”

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Zekaria 9:10

Yahova avoora, “Ndakatulizi magare gu vulwani kutura mu Isiraeli, kandi ndavugura zibarasi kutura mu Jerusalemi; ndakononyie uvuta vwu vulwani. Mwami winyu alakaleete mirembe hagati hi zihiiri, alakamiihi kutura ku inyanza kuduuka ku inyanza, kandi kutura ku mugera gwa Efurate kuduuka ku keheri chi lirova.”

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Luka 1:33

Alakamiihi ku avandu va Isiraeli mihiga ni mihiga, Uvwami vwivwe sivulakave nekeheri mba.”

Luka 2:14

“Uvukumi voveeye igulu mwigulu ku Nyasaye, ni mirembe mu kivala ku avandu ava ya yaanza!”

Vikolwa 4:32

Kiduma choosi cha vandu vasuuviri vaali harara nu mwoyo mulala kandi niziganagani zindala. Sihaaliho nu mundu kali mulala kuvo uwalola kindu cha aveeye nacho kuva ni chiche yeng'ine mba. Navuzwa vasanga nukugavulana vindu viosi via vaali navio keleng'ani.