Zaburi 72:18 - KITABU KITAKATIFU

¹⁸ Yahova, Nyasaye wa Isiraeli yizominywi! Niyie yeng'ine okolaa vindu viokogenyia yivi.

Zaburi 72:18 ပူးပေါင်းရင်းမြစ်များ

1 Kyetsinyinga 29:10

Kunangwa mwami Daudi yizominya Yahova imbiri wi livugana liosi. Yavoola, “Wizominywi O, Yahova, Nyasaye wa guuga witu Yakobo, mihiga ni mihiga!

1 Kyetsinyinga 29:20

Maku Daudi yavolera livugana liosi, “Mwizominye Yahova Nyasaye winyu.” Kunangwa livugana liosi lizominya Yahova, Nyasaye wa vaguuga vaavo; kandi vinaminya mitwi jaavo haasi kusigamira Yahova kandi nivahaana luyali ku mwami Daudi.

Ayubu 5:9

Sikunyala kumanyiriza vindu vinene viakolaa, kandi siviveeye nekeheri ku vilolekizu vivie mba.

Ayubu 9:10

Akolaa vindu vinene ligali viu mundu anyala kuvula kumanyiriza kandi yakola vindu vinyingi viokogenyia ivitaveeye nilivaliza.

Zaburi 106:48

Mwizominye Yahova, Nyasaye wa avandu va Isiraeli, mumwizominye kalunu kandi mihiga ni mihiga! Ma avandu vosi vavoole “Amini!” Yahova yizominywe!

Zaburi 136:4

Niyie yeng'ine okolaa vilolekizu vinene; kigira uvuyanzi vwivwe vuhindiraa mihiga ni mihiga.

Zaburi 41:13

Yahova yizominywi, Nyasaye wa Isiraeli, yizominywi kalunu kuduuka mihiga ni mihiga Amini! Amini!

Zaburi 68:35

Nyasaye aveeye wukutihiza ligali lwa atulaa u Hatakatifu hehe Nyasaye wa Isiraeli! Ahaanaa zinguru nuvunyari ku vandu veve. Nyasaye yizominywi!

Zaburi 77:14

Ivi oveeye Nyasaye okolaa vilolekizu viokogenyia; wamanyia havulavu zinguru zizio hagati hi zihiiri.

Zaburi 77:15

Wahonyia avandu vovo kuzinguru zizio, kandi wahonyia visukululwi via Yakobo na Josefu.

Zaburi 86:10

Ivi weng'ine oveeye wizingulu kandi okolaa vindu viokogenyia, ivi oveeye Nyasaye.

Zaburi 98:1

Mwimbiri Yahova lwimbu luhia; kigira umali kokora vindu viokogenyia! Kuzinguru zizie mwene kandi ku vunyali vwivwe vutakatifu, Yahova umali konyoora liguuta.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?