Zaburi 72:12 - KITABU KITAKATIFU

¹² Ahonyia avadaka vaaniraa kuye; kandi ahonyia yavo avaveeye ni lienya kandi avataveeye novokonyi.

Zaburi 72:12 ပူးပေါင်းရင်းမြစ်များ

2 Samweli 14:16

Ndaali kuganagana ndi ivi ulambuliriza na ombonyie kutura mu mukono gwa uyu ogerizaa kwita muyaayi wange harara ninzi, nandio kukutuliza mu kivala cha Nyasaye yaaha avandu veve.

Ayubu 29:12

Yaga gaali ndio kigira ndakonya avadaka avaaniraa ku inzi, kandi ndakonya avavisandu avataali nu mundu uvakonyaa.

Ayubu 36:15

Navuzwa Nyasaye yigizaa vandu kuvitira mu vusaliri vwavo; kandi atumikiraa kivi chavo kuvakola vaduuki kulola.

Zaburi 10:17

O, Yahova, ivi uhuliraa lisaala lia yavo avaveeye vahocha; ivi ulavadinyiriza.

Zaburi 102:17

Alavugilira lisaala lia vadaka, kandi alahuliriza ku lianira liavo.

Zaburi 102:20

Yahulira likenya lia vahambe, kandi yaavoholora yavo avaari nivakalagirwa likuza.

Zaburi 55:17

Nzanira ku Yahova vuli mugambazuri, mbasu hagati kandi vudiku, lielilira liange liaduuka kuye naye alahulira.

Zaburi 72:4

Leka mwami akalagiri avadaka vulahi; leka akonye avilienya kandi aguuti avadambizi vaavo.

Tsing'ano 29:7

Mundu mulungi yamanya lienya lia vadaka, navuzwa vandu vachamu sivanyala kumanya lienya kuli yili mba.

Kohelethu 4:1

Maku ndaalora vuchamu vwosi vwekoleka mu kivala yiki. Avandu vadaambizwa vaalira, nu mundu siyaaliho uwaali unyala kuvakonya mba. Siyaaliho nu mundu waali unyala kuvakonya, kigira avadamibzi vaavo vaali ni zinguru kuvavita.

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

Luka 7:22

Maku yativura navolera avatumwa yavo, “Muzie kovoolera Yohana aga mumali kolola kandi aga mumali kuhulira: avavoku valora, avalema vagenda, avaveeye no vogere vatakasangwa, avahana amatu vahulira, avakuzu vasimugukizwa, na Makuva Malahi ga Nyasaye gilwazwa ku avadaka.

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

1 Samweli 22:2

Avandu vosi avadambizangwa anoho avaari mu magovi kinga avavura kuyaanzizwa ni liiva liuvwami, vazia kwiyunga naye, kandi yagwa mwimiliri wavo. Ahimbi avasaza 400 vaali naye.