Zaburi 72:11 - KITABU KITAKATIFU

¹¹ Avami vosi valinama imbiri weve; zihiiri ziosi zilamutumikira.

Zaburi 72:11 ပူးပေါင်းရင်းမြစ်များ

Zaburi 86:9

O, Yahova, zihiiri ziosi zia walomba, zilaza nu kukusigamira ivi; valizominya ovonene vuvwo.

Isaya 11:9

Ku Ziyoni, kiguru kitakatifu cha Nyasaye, sihalava nikindu chukusaliriza anoho kidamanu. Kivala kilizula limanya lia Yahova kuli zinyanza zizura amazi.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Mika 7:17

Valakomba luguchi kuli enzoka, valamoola kuli viguguli ku marova. Valatura mu zimbinga ziavo, nivihikaa novodegeri kandi nuvuti. Valagirung'ana koyeeka ku Yahova Nyasaye wiitu mu vuti. Kandi valatia kigira ivi.

Livalidza 24:7

Valava ni imbura inyingi kandi valataga vumwu vwavo mu milimi giveeye na mazi manyingi. Mwami wavo alava no vukumi kuvita vwa Agagi uvwamihi vwivwe vulavambalalizwa kuduuka ihale na himbi.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 21:24

Izihiiri zilagenda mu uvulavu vwalio, na avami vi lirova valaleta uvukumi vwu uvutugi vwavo mulio.

Likunula 21:26

Kandi valeta lizominywa nu uvukumi vwi izihiiri mu lidaala zana.