Zaburi 72:10 - KITABU KITAKATIFU

¹⁰ Avami va Sipeini na vivisulu valamuha vihaanwa; avami va Sheba na Seba valamuleetera vihaanwa.

Zaburi 72:10 ပူးပေါင်းရင်းမြစ်များ

Litanga 10:7

Visukululwi via Kushi viali, Seba, Havila, Sabita, Raama na Sabuteka. Visukululwi via Raama viali avandu kutura Sheba na Dedani.

1 Avami 10:1

Mwami wi kikali wa Sheba yahulira lusuma lwa Solomoni kandi yazia Jerusalemi kumugeriza na mateeva madinyu.

1 Avami 10:10

Yaaha mwami Solomoni vihaanwa via yaali naleti, kuvita zikilo 4,000 zie zahabu kandi mudalasini munyingi ligali kandi na magina guvuguli. Mudalasini gwu mukali uyu yaaha Solomoni gwali umunene kuvita gwa yanyoora ing'inga yindi yoosi.

1 Avami 10:2

Yazia harara nu muganda munene gwa vatumikiri, kandi ni zing'amia nizigingi mudalasini mwayu, izahabu inyingi ligali kandi magina guvuguli vonene. Lwa Solomoni yagana, nu mukali oyo yamuteeva mateeva goosi ga yaali anyala kuganaganyia.

1 Avami 10:25

Vulii mundu waza, yamuletera vihaanwa, kuli; viju vie zahabu ni feza, ziganza, viugi, mudalasini, zibarasi, kandi zisukiri. Yaga gazizagilira vuli muhiga.

2 Kyetsinyinga 9:21

Mwami Solomoni yaali nizimeli ziukwelema ku nyanza enene, kandi zielemaa harara ni zimeri ziu mwami Huramu. Vuli mihiga 3 zimeri zizie ziranaa ni ziletaa izahabu, ifeza, amiinu gi zinzogu, zingugi ni vikondo.

Esther 10:1

Umwami Ahasuero yaniga avandu vi vivala viosi via yamiha harara na avandu vi vivala vikagatanaa kunyanza kutunga uvusuru.

Zaburi 45:12

Avandu kutura mu kivala cha Tiro valakoletera vihaanwa; avandu vatugi valageriza kwenya liyanzilira liilio.

Zaburi 68:29

kutura mu Litembeli liilio mu Jerusalemi; uwa avami valeta vihaanwa ku ivi.

Zaburi 68:30

Ugaye Egebeti, zinyama ziveeye mu vidundu! Ugaye zihiiri, iziveeye kuli kiduma chi zigiriki harara nivimoli viazio. Kuduuka lwa vosi vegehiza aveene, nukuhaana ku ivi vidonye viavo viefeza. Salanyia avandu yavo avayaanzaa kolomba uvulwani!

Isaya 42:10

Mwimbiri Yahova lwimbu luhia; avandu vosi, mwizominye Yahova, avandu vosi aveelemaa ku inyanza, mwizominye Yahova. Vilombe viosi viu munyanza, mwizominye Yahova, avandu vosi avamenyi mu visulu mwimbi nu kwizominya Yahova.

Isaya 42:4

Sialakuza mwoyo mba, navuzwa alaleeta likalaga lirungi ku lirova. Avandu vamenyi mu visulu valindilira lilaga lilie.”

Isaya 43:3

Kigira inzi mbeeye Yahova Nyasaye winyu, Nyasaye Umutakatifu wa Isiraeli ohonyiaa munyi. Ndahaana Egebeti eve kuli mutungu gwo kovoholora munyi. Ndahaana Ezopia na Seba mu vogono vwinyu.

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 60:3

Zihiiri zilaza ku vulavu vwinyu, kandi avami valaza ku vwaku vwi lidiku lienyu lihia.

Isaya 60:6

Zing'amia zilaza mu vwingi kutura Midia kandi Efa. Zilaza kutura, Sheva valaleta izahabu kandi ni kimuli, kandi valavoora amakuva amalahi aga Yahova amali kuvakolera.

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Matayo 2:11

Vingira munyumba, ni valora umwana na Maria mama weve; na viinama imbiri weve ni vamusigamira. Vavoholora iziakiiba ziavo, ni vamuha vihaanwa viezahabu, ikimuli na manemane.