Zaburi 71:5 - KITABU KITAKATIFU

⁵ O, Yahova Wuvunyali, inzi suuviraa mu ivi. Inzi mali kusuuvira mu ivi kutura vwana vwange.

Zaburi 71:5 ပူးပေါင်းရင်းမြစ်များ

1 Avami 18:12

Galava ki niiva Roho wa Yahova gulakuvugula gukuhili kuduuka havundu hatamanyikani, nonoho lwa mba nindula? Maku, lwambolera Ahabu ndi oveeye hano ma avuli kukonyoola, alaanzita. Wizulizi ndi ndaasigamira Yahova kutura mu vosooleri vwange.

2 Kyetsinyinga 34:3

Mu muhiga gwa munane lwa Josia yaali mwami, lwa yaali nakikiri muyaayi yaatanga kusigamira Nyasaye wa guuga weve mwami Daudi. Inyima wi mihiga jine, yaatanga kwononyia havundu hu kusigamira misambwa, vifananyi viu munyasaye wi kikali Ashera, kandi ni vifananyi vindi viosi.

Zaburi 119:166

O, Yahova, nindiliraa ivi ombonyie, kandi ngolaa aga ivi ulaga ngole.

Zaburi 119:81

O, Yahova, nduhi ligali nindiliraa ivi ombonyie, mbikaa lisuuvira liange mu likuva liilio.

Zaburi 13:5

Navuzwa inzi mali kusuuvira vuyanzi vuvwo vutahera mba, mwoyo gwange gu lasangala kigira ulambonyia.

Zaburi 39:7

O, Yahova, navuzwa kalunu, lisuuvira liange liveeye ku ivi.

Zaburi 42:11

Kigira ki mbereraa ligali? Kigira ki ngubizwa ikivi? Inzi ndasuuvira mu Nyasaye kandi ndamwizominya kandi, Muhonyi wange kandi Nyasaye wange.

Zaburi 71:17

O, Nyasaye, ivi wamala kunzigiza vikolwa viokogenyia kutura lwa ndaali mwana, kandi ngizizagiliraa kulandiza makuva gi vikolwa vivio viokogenyia.

Kohelethu 12:1

Kunangwa wizulizi mulombi woovo nugikiri muyaayi, madiku gi kivi ni gagikiri kuduuka kigira mihiga gizaa novoole, “Sisangalira livamwoyo mba.”

Jeremia 14:8

Ivi wengine oveeye lisuuvirizwa lia avandu va Isiraeli, niivi wengine ohonyia kunyi kutura mu kivi. Kigira ki oveeye kuli mugeni mu kivala chietu, kandi kuli mundu oveeye kologendo uwenyaa hokogona ku vudiku vulala vweng'ine?

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Jeremia 17:17

Utava litihiza ku inzi mba, kigira ivi oveeye likingwa liange lwu vudinyu vuzaa.

Jeremia 17:7

“Navuzwa ndagasiza oyo usuviraa mu inzi kandi oyo wa inzi mbeeye lisuuvira lilie.

Jeremia 50:7

Vosi avavanyooraa vavingilira. Vasigu vaavo vavoola, ‘Vaakolera Yahova uvwoni, kandi ndio, agakumali kokora sigaveeye amadamanu mba. Avaguuga vaavo vaasuuvira mu Yahova, na yavo aveene ngano vaali vasuuviri muye.’

Luka 2:40

Mwana yaviruka nameeda konyoora zinguru, niyizula ovogeri, kandi vugasu vwa Nyasaye vwali harara naye.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

1 Samweli 16:13

Samweli yavugula lwiga lwa maguta ga muzeituni navaka Daudi amaguta imbiri wa vamwavo veve. Nonoho, Roho wa Yahova yagumira Daudi kandi yaali naye kutura ing'inga yeyo. Maku Samweli yirana Rama.