Zaburi 71:21 - KITABU KITAKATIFU

²¹ Ivi ulaanenehiza kuvita kase, ulaleminya mwoyo gwange kandi.

Zaburi 71:21 ပူးပေါင်းရင်းမြစ်များ

2 Samweli 3:1

Uvulwani hagati ha amahi aguungaa avinyumba ya Saolo mukono na yavo avungaa Daudi mukono vwazizagilira ku ing'inga indambi. Daudi yamedeka zinguru ligali, navuzwa avasigu veve vazizagilira kogeeha zinguru ligali.

Zaburi 18:35

Ivi ombeeye inguva yo vohonyi vuvwo, kandi zinguru zizio ziniindi.

Zaburi 23:4

Yee, kali niimba neng'enda mu kivanda chi chiriri chi likuza, si ndatia kivi mba; kigira oveeye niinzi harara; imbimbu yooyo nu lusaala lulwo zinemerizaa.

Zaburi 32:10

Avandu vachamu vosi valava ni lisalira linene ligali, navuzwa yavo avaasuuvira mu Yahova, vakingwa nu vuyanzi vwivwe vutaveeye ne keheri.

Zaburi 72:11

Avami vosi valinama imbiri weve; zihiiri ziosi zilamutumikira.

Zaburi 86:17

O, Yahova, umanyie ligali kelolero chu vulahi vuvwo, kunangwa yavo avandunyira vaduuki kuva mu zisoni, kigira umali kongonya nokoneminya mwoyo.

Isaya 12:1

Lidiku liizaa lwa vandu valimba, “Nzizominyaa ivi, Yahova! Ivi waali nu vutima ninzi, navuzwa uvutima vuvwo vutuli ho, na kalunu umali koneminya mwoyo.

Isaya 49:13

O, ligulu liosi mwimbi! Kandi, lirova liosi mwimbi nimusangara! Vigulu viosi mwimbi zinyimbu! Yahova alaleminya avandu veve mioyo, kandi alavererera yavo avaveeye mu lidambizwa.

Isaya 49:6

Yahova yambolera, “Mbeeye ni miyinzi minene ku ivi, mutumikiri wange. Sigaveeye nu kwilanyia avandu va Isiraeli avatigara mba, navuzwa ndakokola kandi ove kuli uvulavu ku zihiiri ziosi, kunangwa avandu vosi ku lirova vaduuki kohona.”

Isaya 9:7

Uvwami vwivwe vwi zinguru vulazizagilira kuviruka; uvwami vwivwe vulava ni mirembe kazozo. Alamiiha kuli mwami mu vogono vwu mwami Daudi. Zinguru zizie zilereda ku likalaga lirungi, kandi liagigali kutura kalunu kuduuka mihiga ni mihiga. Yahova Wuvunyali amali kusaavira kokora yaga goosi.

2 Vakorintho 2:14

Navuzwa, lisandiza live ku Nyasaye ukwimilira kazozo mu logendo lwi liguuta mu Kristo. Nyasaye akutumikiraa kulandiza limanya agiligali ga Kristo havundu hoosi kuli umwayu mulahi.

2 Vakorintho 7:13

Kulwayago koleminyiywi mioyo ligali. Sikoveeye koleminywa mioyo jietu vuzwa mba, navuzwa Tito kandi yakuyaanziza kuli mwamukonya niyitulira mu lihenda mwoyo lilie.

2 Vakorintho 7:6

Nyasaye oleminyaa mioyo jikuzaa, yakoleminya mioyo kuliiza lia Tito ku kunyi.

1 Vatesalonike 3:9

Kalunu kunyala kusandiza Nyasaye wiitu kigira munyi. Kumusandiza kigira vusangali vwa koveeye navwo imbiri wa Nyasaye wiitu kigira munyi.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”