Zaburi 71:13 - KITABU KITAKATIFU

¹³ Leka avanyingiliraa vaguutwi kandi vadivizwi. Leka yavo avagerizaa kusaliriza vakolwe vaduuki mu zisoni kandi valeganywe.

Zaburi 71:13 ပူးပေါင်းရင်းမြစ်များ

Esther 9:2

Hoosi ha Avayuda vamenya mu vuli lidaala linene mu vivala via Ahasuero yamiha, Avayuda vetegeka aveene kulwaana nu mundu woosi uwageriza kuvingilira. Avandu ha vundu hoosi vaatia Avayuda ligali, na sihaliho nu mundu kali mulala uwasingira kuhing'ana navo mba.

Zaburi 109:29

Leka vasigu vange vaviikwi mu zisoni zinene ligali; leka viviiki zisoni kuli iganza.

Zaburi 132:18

Ndakunika avasigu veve nizisoni zinene ligali, navuzwa uvwami vwivwe vulamedeka kandi vulagasizwa ligali.”

Zaburi 35:26

Leka yavo avasangalira uvusaliri vwange, vaguutwi ligali kandi vadandanywi. Leka yavo avevoora vaveeye avalahi kuvita inzi vaduuki mu lilegwa.

Zaburi 35:4

Leka yavo avagerizaa kunzita vaguutwi kandi valeganywe! Leka yavo avaang'anaganira uvudamanu mu vwivisu viranywe inyima nukudandana!

Zaburi 6:10

Avasigu vange vosi valava soni kandi valahenda mwoyo. Valilanywa nukuviikwa mu zisoni vwangu.

Zaburi 70:3

Leka yavo avangoleraa kehenyahenye vatiihizwi ligali niliguutwa liavo.

Zaburi 71:24

Inzi ndavoora amakuva gu vulungi vuvwo lidiku liosi, kigira yavo avagerizaa kusaliriza, vaguutiywi kandi vaaleganyiywi.

Isaya 41:11

“Yavo avamudunyira, valaduuka mu zisoni ziukuguutwa; yavo avahing'anaa nimunyi valava kindu vuzwa kandi valadiva.

Jeremia 20:11

Navuzwa ivi, O, Yahova, Oveeye harara ninzi kuli musikari wizingulu. Kulwayago, avadambizi vange valichigatira kandi si valanguuta mba. Valava mu zisoni zinene ligali kigira si valanyaliza mba. Zisoni ziavo si zilivirirwa mihiga ni mihiga mba.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”