Zaburi 7:6 - KITABU KITAKATIFU

⁶ O, Yahova, vuka mu vutima vuvwo! Singira uhing'ane nu vutima vonene vwa vasigu vange; vuka ivi O, Nyasaye wange na ongonye! Ivi wenya vulungi vwekoleke.

Zaburi 7:6 ပူးပေါင်းရင်းမြစ်များ

2 Samweli 17:14

Abisolomu na vandu va Isiraeli vosi vavoola, “Livoora lie zing'anagani zia Hushai liveeye lilahi kuvita lia Ahizofeli.” Yahova yaali natovoye livoora lilahi lia Ahizofeli livuli kolondwa kunangwa lidivizwa liduuki kuuza ku Abisolomu.

Zaburi 103:6

Yahova akalagira avadambi ni likaraga liu vulungi kandi avaheezaa uvulungi vwavo.

Zaburi 12:5

Yahova avoora, “Navuzwa kalunu inzi ndaza, kigira avadaka vadambizwa, kandi avasalirizwa vakenya mu vuzunu. Inzi ndavaha likingwa liavenyaa.”

Zaburi 138:7

Lwa ngumbirizangwa nikivi, ivi unindaa nukukinga inzi. Ivi uhingiraa avasigu vange vuvutima vululu; kandi ombonyia ni zinguru zizio zinene.

Zaburi 143:3

Avasigu vange vamali konondelera ligali, kandi vamali kunguuta ligali. Vamali kumbika mu kisundi kenene, mbeeye kuli yavo avakuza kale.

Zaburi 3:7

Hamba O, Yahova! Ombonyie, O, Nyasaye wange! Haana mageri ku vasigu vange vosi na uvaleke vugira zinguru ziu kusaliriza.

Zaburi 35:1

O, Yahova, uhiing'ane na yavo avahing'anaa ninzi, ulwaane yavo avalwaanaa ninzi!

Zaburi 35:23

O, Yahova, vuka, na osoore. O, Nyasaye wange, singira na unwanili.

Zaburi 44:23

O, Yahova, yaanza okokonye, utaleka avasigu viitu vakudambizi mihiga ni imihiga mba.

Zaburi 44:26

Hamba okokonye! Kigira vuyanzi vuvwo vutaveeye ne keheri; okohonyie!

Zaburi 59:5

O, Yahova Nyasaye Wanyala Viosi Ivi oveeye Nyasaye wa Isiraeli. Vuka na uhaane mageri ku zihiiri ziosi; utamanyia livererera ku avazami vachamu yavo.

Zaburi 73:20

Avandu vadamanu yava vaveeye kuli amalooto agivirirwa mu ing'inga yu mugamba, O, Yahova, lwa ivi uvukaa, vatulaa ho.

Zaburi 74:3

Genda ku manyange yaga; avasigu viitu vamali kwononyia vuli kindu mu Litembeli.

Zaburi 78:65

Mu limalirika Yahova yavuka kuli utulaa mu zindoolo. Yaali kuli mundu wizingulu uhanzuka kigira iwaini ya yaali nanweye.

Isaya 3:13

Yahova yikaye kondeve yeye yilikalaga; kandi yetegeki kukalagira avandu veve.

Isaya 33:10

Yahova avoora ku zihiiri; “Kalunu ndasingira! Kalunu ndiiginga igulu inzi mwene! Kalunu ndakuminywa.

Isaya 37:20

Kalunu, O, Yahova Nyasaye wiitu, okosoole kutura ku vandu va Asiria, kunangwa zihiiri ziosi zie kivala ziduuki kumanya ndi ivi weng'ine oveeye Nyasaye.”

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.