Zaburi 7:5 - KITABU KITAKATIFU

⁵ hene yaho, leka vasigu vange vanondelere nukung'umira, kandi oleke vanduvagiri hasi nukunzita, kali valeke muviri gwange mukuzu ku marova!

Zaburi 7:5 ပူးပေါင်းရင်းမြစ်များ

Ayubu 16:15

Inzi siomaa ninziviki zinguvu zia magunia, nzikaye hano mu luguchi ninguutinywi.

Zaburi 3:2

Vamoloma amakuva ku inzi nivavoora; “Nyasaye sialamukonya mba.”

Zaburi 44:5

Kunyi kwa guuta avasigu viitu, kuvitira kuzinguru zizio, kwaduvaga nukwita avasigu viitu.

Zaburi 49:12

Ovonene vwu mundu sivunyala kumuhonyia kutura ku likuza mba. Alakuza vuzwa kuli zinyama.

Zaburi 60:12

Nyasaye naaveeye ku lovega lwiitu kulaguuta, alakuguutira avasigu viitu.

Isaya 10:6

Nduma avandu va Asiria kuzia kwingilira ihiiri ya vandu vataveeye na Nyasaye, avandu vaangora kuva nu vutima. Mbatumaa kuzia kulanya nu kwiva kandi kuduvagira vandu hasi kuli madohi kuzinzira.”

Isaya 63:3

Yahova yativura, “Inzi mali kuduvaga zihiiri kuli mazabibu, na siali ho nu mulala waza kongonya. Ndaziduvaga ligali mu vutima vwange, na amasahi gaavo giivaki ku zinguvu ziange ziosi.

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Habakuk 3:13

Ivi waazia kohonyia vandu vovo, kohonyia mwami vwovo mutovole. Wasionolanya mutwi gwu mwimiliri wa vachamu, kandi wadiviza valondi veve vosi.

Zekaria 10:5

Avandu vi Ivuyuda valakaguuti kuli vasikari vaduvagira vasigu vaavo mu madohi gizinzira. Valakalwaane kigira Yahova aveeye harara navo, kandi valakaguuti kali avasigu valiva ku zibarasi.

Malaki 4:3

Ku lidiku lia ndikola yaga mulakaguuti avandu vachamu kandi valakave kuli luguchi isi wi vilenge vienyu.

1 Samweli 24:11

Henza, baba wange, henza kilaka chi iganza yooyo cha ngumiyi mu mukono! Ndaali nyara kukwita navuzwa mu vogono yivwo ngali vuzwa kilaka yiki. Yiki kidukanaa kikumanyie ndi simbeeye niganagani yukwibaala ku ivi kinga kukusaliriza mba. Ivi umbizaa uduuki kunzita, kali nindavula kukokolera kindu choosi kidamanu.

1 Samweli 24:18

Lero umali kumanyia kuli oveeye mulahi ku inzi ligali muno, kigira si unziti mba, kali niiva Yahova yambiki mu zinguru zizio.

1 Samweli 24:20

Kalunu mbeeye nagiligali ndi ulakave mwami wa Isiraeli, ma kandi uvwami vwa Isiraeli vulazizagilira hasi hi liamiiha liilio.