Zaburi 69:8 - KITABU KITAKATIFU

⁸ Inzi mbeeye mugeni ku avamwavo vange, kandi mugeni ku vandu vi nyumba yange.

Zaburi 69:8 ပူးပေါင်းရင်းမြစ်များ

Zaburi 31:11

Avasigu vange vosi. Mbitilira avatende vange vaandegeriza ligali kuvita. Yavo avamanya inzi. Vaanzirukaa, lwa vandora kunzira.

Zaburi 38:11

Avalina na vatende vange sivanyala kuuza ahimbi ninzi mba, kigira vatiiyi lifunya lie zingwagu ziange. Kali avinyumba yange vaasingiyi ihale kutura ku inzi.

Zaburi 89:51

O, Yahova, avasigu vovo vanyega mwami woovo mutovole! Vamunyega nu kumusekeriza havundu hoosi aha azizaa.

Zaburi 89:52

Yahova Nyasaye yizominywi mihiga ni mihiga! Amini! Amini!

Isaya 50:6

Ndahaana mugongo gwange ku vasigu vange. Kandi ndagilung'ana niimbana zisaya ziange vaduuki kumanyula zinderu ziange. Si ndaavisa mumoni mwange kutura ku livikwa mu zisoni kandi kutuzilwa amate mba.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Isaya 53:4

“Navuzwa yikuzira ku vusaliri uvwali vove uvwitu, yikuzira ku vuzunu uvwali vove uvwitu. Zing'inga ziosi kwaganagana ndi uvusaliri vwivwe vwali lihevwa mageri kutura ku Nyasaye.

Jeremia 15:15

Maku ndaavoora, “O, Yahova, ivi oveeye ni limanyiriza, unzizurize kandi ongonye. Oleke inzi mbanze kisaalia ku yavo avandambizaa. Utikuzira navo mba kigira valanzita. Wizulizi ndi linyegwa liange liveeye kigira ivi inzi nyegangwa.

Matayo 26:56

Nitali yaga goosi gaakoleki kunangwa, agavaporofeti vaang'oda mu Mang'oda Matakatifu gaduuki kutwekizwa.” Kunangwa aviigi vosi vamuleka ni viiruka.

Yohana 1:11

Yaza mu kivala chiche mwene, navuzwa avandu veve sivamuvugilira mba.

Yohana 7:5

Kali avamwavo veve sivamusuuviraa mba!

1 Samweli 17:28

Eliabu, amwavo Daudi munene, yahulira Daudi naavoleranaa navandu. Yasinyikira Daudi ligali navoora, “Uzi hano kigira ki? Olekeeye vwaha magondi mu changalangwe? Inzi manya luyaayi lulwo kandi kuli mwoyo gugwo goveeye mudamanu; Uzi hano kolola vuzwa uvulwani.”