Zaburi 69:29 - KITABU KITAKATIFU

²⁹ O, Nyasaye, mbeeye mu vuzunu vululu kandi mu likuza mwoyo, O, Nyasaye ungoonye kandi ombonyie mu vuhimwa.

Zaburi 69:29 ပူးပေါင်းရင်းမြစ်များ

Zaburi 109:22

Inzi mbeeye mudaka kandi wilienya ligali; saliriziywi ligali kali kuduuka musi mwu mwoyo gwange.

Zaburi 109:31

Kigira Yahova akingaa avadaka, kandi avahonyiaa kutura ku yavo avavakalagiraa likuza.

Zaburi 18:48

kandi yambonyia kutura ku vasigu vange. O, Yahova, ivi ombezaa liguuta ku vasigu vange kandi ukingaa inzi ku avandu vatindi.

Zaburi 20:1

Yahova akutivuliri lwa oveeye mu kivi! Nyasaye wa Isiraeli akukingi!

Zaburi 40:17

O, Yahova, Inzi mbeeye mudedekere kandi mudaka, navuzwa ukikiri kunzivilira. Ivi oveeye muhonyi wange kandi Nyasaye wange, hamba vwangu ongonye!

Zaburi 59:1

O, Nyasaye wange, ombonyie kutura ku vasigu vange! Osoore ku yavo avanyingiliraa.

Zaburi 70:5

Mbeeye mudedekere kandi mudaka; hamba vwangu ku inzi, O, Nyasaye. O, Yahova Ivi oveeye muhonyi wange, kandi mwami wa inzi sigamira. Hamba vwangu, ongonye!

Kutwula 32:33

Yahova yavolera Musa, “Vandu vosi vamali kokora vwoni ndatuliza amita gaavo mu kitabu change.

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Matayo 8:20

Yeso yamutivulira, “Vivwi viveeye ni zimbangaywa, na amanyonyi gaveeye ni zinyumba ziago, navuzwa Umwana wa Adamu siaveeye na ahokososera mba.”

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.