Zaburi 69:20 - KITABU KITAKATIFU

²⁰ Amanyego gamali kuvunaga mwoyo gwange, kandi mali kukuza mwoyo. Ndasuuviraa ndanyoora liverererwa, navuzwa siliali ho mba; ndasuuviraa konyoora lileminywa mwoyo, navuzwa sindalinyoola mba.

Zaburi 69:20 ပူးပေါင်းရင်းမြစ်များ

Ayubu 16:2

Inzi mali kuhulira makuva manyingi kuli yaga, navuzwa lileminya mwoyo lienyu lia muhaana liveeye vuzwa vudinyu.

Zaburi 123:4

Kumali kokolerwa kehenyahenye ku ing'inga indambi ligali na vatugi. Kumali kolegerizwa ligali na vadambizi avelori.

Zaburi 142:4

Lwa mbenzaa ku lovega lwu mukono gwange mulungi, si ndolaa mundu unyala kongonya. Sihaveeye nu mundu unyala kosoola, kandi sihaveeye ho nu mundu unyala kuniinda mba.

Zaburi 42:10

Mali kuduvulanyiywa ligali na manyego gaavo, lwa vazizagiliraa kondeeva, “Nyasaye woovo aveeye haliha?”

Zaburi 42:6

Mwoyo gwange gwizuuyi ovovereri, O, Nyasaye nzizuliza ivi, kutura mu kivala cha Jorodani, kandi kutura ku kiguru cha Herimoni na Mizari.

Isaya 63:5

Na ndaali niligenya lwa ndahenza nokolola ndi sihali nu mulala wokongoonya. Ndahuga nukutia ligali kolola ndi si haali ho nu mulala wukunyunga mukono. Kunangwa ndanyoora liguuta kuzinguru ziange umwene, na uvutima vwange vululu vwangonya.

Matayo 26:56

Nitali yaga goosi gaakoleki kunangwa, agavaporofeti vaang'oda mu Mang'oda Matakatifu gaduuki kutwekizwa.” Kunangwa aviigi vosi vamuleka ni viiruka.

Marko 14:37

Maku, Yeso yirana ku aviigi vaali vavaga yavo nanyoora ni vagona. Yavolera Petero, “Simoni, okegonaa? Siwaali unyala kulinda kali isa ndala yenyine mba?”

Marko 14:50

Hene yaho, aviigi veve vosi vamuleka niviruka.

Yohana 12:27

“Kalunu mwoyo gwange gohendaa. Nambole ki? Mbore, ‘Baba, ombonyie ku ing'inga yu vusaliri yiyi?’ Awa, kigira yiki nicho chagira inze ninziza kunangwa nduuki kuvitira mu ing'inga yu vusaliri yiyi.

Yohana 16:32

Ing'inga yiza, kandi imali kuduuka, lwa munyi mwosi mulisalanywa sa mulala yengo weve, nainzi ndakatigale nzieng'ine. Navuzwa inzi simbeeye nzieng'ine mba, kigira Baba aveeye harara ninzi

Vahebraina 11:36

Avalala vakolerwa kehenyahenye kandi nivakuywa, na vandi vavofa niminyororo kandi nivaviikwa mu vuhambe;