Zaburi 68:6 - KITABU KITAKATIFU

⁶ Nyasaye ahaanaa ku vadambi hango ho komenya, avohololaa avahambe nukuvaha uvweremelizi. Navuzwa avibaali valamenya mu changalangwe.

Zaburi 68:6 ပူးပေါင်းရင်းမြစ်များ

Zaburi 10:14

Navuzwa ivi, O, Nyasaye, ololaa yavo avaveeye mu kivi nuvudinyu; na ivi ovezaa mwetegeku kuvakonya kazozo. Mundu mudedekere yiihanaa umwene ku Ivi, O, Nyasaye Wuvunyali, ivi okonyaa avavisandu kazozo.

Zaburi 107:10

Avalala ku munyi mwamenyaa mu kisundi kenene kandi mu chiriri chi likuza, mwali avahambe avavofa niminyororo jisalirizaa ligali.

Zaburi 107:14

Yahova yavatuliza mu kisundi kenene kandi mu chiriri chi likuza, kandi nakalanyia minyororo javavohaa.

Zaburi 107:34

Yakola kivala cha marova magunamu kuva kuli changalangwe chijumbi, kigira uvuchamu vwa vandu vamenya mucho.

Zaburi 113:9

Aheezaa mukali mugumba uluyali hango hehe. Amukolaa asangale ku linyola avana; Mwizominye Yahova.

Zaburi 146:7

Ahaanaa likalaga liu vulungi ku avadambizwa; kandi ahaanaa chukulia ku avinzara. Yahova avohololaa avahambe,

Zaburi 69:33

Yahova ahulirizaa lisaala lia yavo avaveeye vadaka, kandi si yiviliraa avandu veve avaveeye mu vuhambe mba.

Tsing'ano 23:11

Yahova aveeye mukingi wavo wizingulu kandi alavoora makuva gaavo mu kiyaalo kigira ivi.

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Hosea 2:3

Niiva si alaleka mba, ndamutuliza zinguvu atigale chahonyo kuli yiivulwa. Ndamukora ave kuli changalangwe kandi kuli kivala chumu, kandi alakuza kigira uvuluhu.

Malaki 1:3

Inzi mali kusura Esau, mali kokora kivala chiche chi kiguru kuva hazwa kandi vivwi viu muchangalangwe komenya mu.”

Vikolwa 16:26

Nonoho haali ni lidegera linene lie lirova, nilidengeyiza misingi ju vuhambe, viliango viosi vigulika, ni minyororo jaavoholoka nijitonya kutura ku vahambe

Vagalatia 4:27

Mang'oda Matakatifu gavoora, “Usangale, ivi oveeye mukali mugumba. Hanzuka kandi uliri nu vuyanzi, ivi uwavula kuhulira uvuzunu vwi lilumwa liu mwana. Kigira mukali walekwa alakave na avana vanyingi kuvita va uyu uwavula kolekwa nu musaza weve. ”

Kwidzulitsa 10:18

Akolaa zinguru kolola ndi avavisandu na vakunzakali valindiywi keleng'ani; kandi ayaanza avageni navaha viukulia nezinguvu.

1 Samweli 2:5

Avandu vaali ninziguta kalunu vayinzira ku vaduuki konyoora chukulia, navuzwa yavo avaari ninzara si vaveeye ni inzara kandi mba. Mukali mugumba wivuuyi avana saba. Navuzwa mama wa vayaayi vanyingi utigaye umwere vugira mwana.