Zaburi 68:33 - KITABU KITAKATIFU

³³ ku uyu uninaa igulu mwigulu, ligulu liveeye lia kale. Mumuhulirizi lwa ahanzukaa nu mwoyo munene.

Zaburi 68:33 ပူးပေါင်းရင်းမြစ်များ

1 Avami 8:27

“Navuzwa, ukaveeye unyala O, Yahova Nyasaye, komenya ligali mu lirova? Kali ligulu liosi siliveeye linene linyala kuduuka ivi omenye mulio, kunangwa Litembeli yili lia inzi mali kwumbaka linyala kuva linene likuduuka?

Zaburi 102:25

Ivi walomba lirova zing'inga zia kale ligali kandi walomba ligulu namakono googo umwene.

Zaburi 104:3

kandi wayala mialiru jinyumba yooyo igulu wa mazi. Kandi walomba amalesi kuva kuli amagare googo gi zibarasi, uziira ku zimbaha zie imbuza.

Zaburi 18:10

Yikala ku zimbaha ziu Mukerubi; ma nabuluka vwangu ku zimbaha zie imbuza.

Zaburi 46:6

Zihiiri zihumaa mu vuti, zitihizwa nu vwami vodengeyizwa; Nyasaye amolomaa nu mwoyo kuli gwi inguba yatulukaa, lirova lisalulukaa.

Zaburi 66:1

Avandu vosi, vizominye Nyasaye nu vusangali!

Zaburi 66:2

Mwimbi uvukumi vwi lieta lilie, muhaane kuye lizominya liu vukumi.

Zaburi 68:4

Mwimbiri Nyasaye, mwimbi zinyimbu ziukwizominya Nyasaye mulungikize inzira ya uyu uninaa mu malesi lieta lilie ni Yahova; musangare imbiri weve!

Zaburi 93:2

O, Yahova, endeve yooyo yu vwami yaasingirizwa vudinyu kutura mu litanga; kandi ivi waali ho kutura kale kuduuka mihiga ni mihiga.

Ezekieli 10:5

Liyoga lia vakerubi liahulirika kali kuduuka mu mugizi gwi chova. Gwahulirika kuli umwoyo gwa Nyasaye Wuvunyali.

Kwidzulitsa 10:14

“Henza, Ligulu, kali ligulu liu mwigulu ligali, viveeye via Yahova; lirova ni vindu viveeyemu, viosi iviveeye vivie.

Kwidzulitsa 33:26

Avandu va Isiraeli, sihaveeye ho na nyasaye kuli Nyasaye winyu mba, uhiraa barasi mu malesi kuuza ku likonya lienyu.

Likunula 11:12

Kunangwa avaporofeti vaviri yavo vahulira mwoyo munene kutura mwigulu nigovavoolera, “Hambi igulu yinu.” Navo vanigira mwigulu mu lilesi, avasigu vaavo nivavalolaa.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.