Zaburi 68:18 - KITABU KITAKATIFU

¹⁸ Yanigiraa igulu mwigulu navugura avahambe va yalaanya vanyingi harara naye, avugulaa vihaanwa kali kutura ku vibaali. Yahova Nyasaye alamenya ho.

Zaburi 68:18 ပူးပေါင်းရင်းမြစ်များ

2 Kyetsinyinga 6:18

“Navuzwa ivi O, Nyasaye, oveeye unyala komenya ligali mu lirova harara na vandu? Kali ligulu liosi siliveeye linene linyala kuduuka ivi omenye mu mba. Kunangwa Litembeli yili lia inzi mali kwumbaka linyala kuva linene liduka ivi?

Zaburi 110:1

Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

Zaburi 24:3

Nivwaha ulianigira ku kiguru cha Yahova? Nivwaha ulingira mu Litembeli lilie Litakatifu?

Zaburi 47:5

Nyasaye yanigira ku endeve yeeye yu vwami. Nilihanzuka liu vusangali; nu mwoyo gwi visiliva.

Zaburi 7:7

Kunangwa, leeta harara avandu vosi vakukumbirizi, ma uwaamiihi kutura igulu.

Zaburi 78:60

Yaleka lihema lilie ha Shilo, hango ha yaali namenyi hagati hiitu.

Isaya 55:7

Avadamanu valeke zinzira ziavo zindamanu. Avandu vachamu valeke zing'anagani ziavo ziuvuchamu viirane ku Yahova Nyasaye wiitu kigira aveeye wi zimbavasi vavererera; kandi aveeye mwangu kusaamiha.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Joeli 2:11

Yahova ahaanaa malago ku avasikari veve. Amahi gu vulwani agamuhuliraa gaveeye manyingi kandi agizingulu. O, lidiku lia Yahova liveeye liukutihiza ligali! Ivwaha ulihononoka kulio?

Matayo 9:13

Muzie kwiga kivuni cha amakuva yaga: ‘Nyenya zimbavasi, si nyenya visiuviliru mba.’ Sindaaza kulanga avandu avalungi, navuzwa avoni.”

Marko 16:9

Lwa Yeso yasimuguka mu mavwevwe lidiku lia Jumapili, yaloleka kutanga ku Maria Magadalena, wa Yeso yaali ni yaatuliza amademoni saba.

Luka 24:47

kandi lieganira nilisamiifwa liu vwoni lililwazwa mu zihiiri ziosi mu lieta lilie kutangira mu Jerusalemi.

Luka 24:49

Henza, inzi mwene ndamutumira Roho Mutakatifu wa Baba yandaga, navuzwa kuduuka munyi mulindi mu lidaala kuduuka lwi zinguru yizi kutura mwigulu, ziika ku munyi.”

Luka 24:51

Lwa yaali navagasiza, yatura kuvo kandi yahilwa mwigulu.

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 16:7

Navuzwa inzi muvoleranga agiligali: Ni vulahi ku munyi ndi inzi nzie, kigira niimbura kuzia Mukonyi sialaaza ku munyi mba. Navuzwa niimba ninzia, ndamutuma yaaze ku munyi.

Vikolwa 2:23

Kolondekana ni lilohiza lilie mwene, Nyasaye yaali ni yatovola ndi Yeso ahaanwi mu makono ginyu. Navuzwa munyi mwamwita kigira mwalekela avandu avoni navadamanu kumuvaamba.

Vikolwa 2:4

Vosi vizura Roho Mutakatifu, kandi ni vatanga komoloma mu zinimi zindi, kuli Roho yavaha livoora.

Vikolwa 9:17

Kunangwa Anania yazia niyingira munyumba mwa Saolo yaali. Yavika amakono geege ku Saolo namuvolera, “Amiitu Saolo, Mwami Yeso mwene uwaloleka ku ivi lwa waali kunzira kuuza hano, niyie undumi ku ivi uduuki kolola kandi, kandi uduuki kwizura Roho Mutakatifu.”

Varumi 5:8

Navuzwa Nyasaye yamanyia ndi yakuyaanza, kigira lwa kwaali nikukiri avoni, Kristo yakukuzira.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Kwidzulitsa 33:2

Yavoola: “Yahova yaza kutura mu kiguru cha Sinai; yatonga kuli liuva kutura Edomu, kandi yang'ereng'ana ku avandu veve kutura ku kiguru cha Parani. Zingelosi zielefu kumi ziali harara naye, na umuliru gwaadukaa gwaali ha mukono gwigwe mulungi.

Vakolosai 2:3

Kristo niyie uvula ovogeri vwosi kandi limanya lia Nyasaye.

Vakolosai 2:9

Muye, koveeye ni liiva lio vuduukiru vwosi vwu uvunyasaye, vomenyaa mu Kristo, mu muviri,

Vahebraina 1:3

Amanyia ovong'ereng'anu vwu vukumi vwa Nyasaye kandi liiva lieligali lia Nyasaye mwene, kulinda ligulu ni zinguru zie likuva lilie. Niyakamara konyoora uvusamiihi vwu vwoni vwa vandu, yikala mwigulu ha mukono mulungi gwa Nyasaye, oveeye Zinguru Zinene.

Vahebraina 4:14

Maku gendi kugumiri vudinyu ligali lieyama lisuuvira lietu lia kovora koveeye nu Musaalisi Munene ligali umali kuzia kuduuka mwigulu imbiri wa Nyasaye naye ni, Yeso Mwana wa Nyasaye.

Vahebraina 6:20

Yeso yitaa kwingira mu, mu vogono vwitu, kandi umali kuva musaalisi munene mihiga ni mihiga kolondekana novolohizi vwu vusaalisi vwa Melikizedeki.

Vahebraina 8:1

Kalunu kivuni kenene cha makuva ga kovora ni yiki: koveeye nu Musaalisi Munene wu lugano yilu, wikala ha mukono mulungi gwendeve yu vwami vwa Nyasaye Wuvunyali, mwigulu.

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.

Likunula 1:20

Yaga nigo amivisu gi zing'ereng'ani saba ziololaa mu mukono gwange umulungi na agaviswa gi ivinaara saba, izing'ereng'ani saba ni zingelosi zia amakanisa saba. Nivinaara saba viveeye amakanisa saba.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.

Vakalagi 5:12

Yimilira, Debora, yimilira! Yimilira! Yimba ulwimbu! Yimilira! Singira, Baraka mwana wa Abinoamu, yimilira vandu vumali kugumira!