Zaburi 68:1 - KITABU KITAKATIFU

¹ Nyasaye asingiraa nasalanyiaa vasigu veve. Yavo avamudunyira virukaa muliguutwa!

Zaburi 68:1 ပူးပေါင်းရင်းမြစ်များ

2 Kyetsinyinga 6:41

Kalunu singira, O, Yahova Nyasaye, kandi harara ni Lisandugu lie Lilagana liilio, liveeye kelolero chi zinguru zizio, ma wingiri mu Litembeli ma omenye mu mihiga ni mihiga. Gasiza avasaalisi vovo ku goosi ga vakora, kandi yaanza avandu vovo vosi vave nu vusangali kigira uvulahi vuvwo kuvo.

Zaburi 21:8

Mwami alagumira avasigu veve vosi; alagumira yavo vosi avamudunyira.

Zaburi 44:26

Hamba okokonye! Kigira vuyanzi vuvwo vutaveeye ne keheri; okohonyie!

Zaburi 59:11

O, Nyasaye, utaviita nonoho mba, gase avandu vange valivilira. Uvasalanyie kuzinguru zizio na uvaguuti, O, Yahova, mukingi wiitu!

Zaburi 68:14

Lwa Nyasaye Wuvunyali yaasalanyia avami ku kiguru chi Zalimoni, yakola likonza ukugwa yo.

Zaburi 68:30

Ugaye Egebeti, zinyama ziveeye mu vidundu! Ugaye zihiiri, iziveeye kuli kiduma chi zigiriki harara nivimoli viazio. Kuduuka lwa vosi vegehiza aveene, nukuhaana ku ivi vidonye viavo viefeza. Salanyia avandu yavo avayaanzaa kolomba uvulwani!

Zaburi 89:10

Wasionolanyia ugunyama gonene, Rahabu nu kugwita, waguuta avasigu vovo kuzinguru zizio zinene.

Kutwula 20:5

Mutinamiri nukusigamira kifananyi choosi mba, kigira Inzi mbeeye Yahova Nyasaye winyu kandi simbugilira avanyasaye vandi mba. Mbana amageri ku yavo avandunyira kandi ku visukululwi viavo kuduuka ku likula lia kavaga kuduuka ni lia kane.

Isaya 33:3

Lwukulwaniraa, izihiiri ziilukaa kutura ku liyoga liuvulwani.

Ezekieli 5:2

Lwi likumberiza lie lidaala lihera, uvuguli kedonye chukutanga ma ukisambiri hagati hi lidaala zana yili. Uvuguli kedonye chakaviri okikalanyie ni kivavi lwa ovodongana ichova wi Lidaala yili. Usalanyie kedonye cha kavaga kunangwa imbuza iduuki kukiduminya, na ndakelondelera ni kivavi change.

Danyeli 2:35

Nonoho kivia, lidohi, mugasa, ifeza kandi izahabu viavunguluka nivigwa kuli luguki ku loze mu madiku gu muvasu. Imbuza yaginga luguki yilu lwosi, na yaleka loze lwere. Navuzwa ligina liamera niliviluka ni ligwa kiguru kenene chafuma lirova liosi.

Livalidza 10:35

Vuli ing'inga lwa vandu va Isiraeli vaatura kuzia ni lisandugu lie lilagana, Musa yavoola, “Yahova, singira usalanye vasigu vovo, kandi okole yavo avakudunyiraa viiruki!”

Kwidzulitsa 7:10

Navuzwa sialilindagira kuhaana amageri maduukiru ku vandu avamudunyira mba.